India, Mumbai ah guahtui tamlua in innkhat kicim, mi 11 si, 14 liam

India, Mumbai ah guahtui tamlua in innkhat kicim, mi 11 si, 14 liam

Update: Friday ni in hih inn kicim sungah amangcip te akizonna panin misi pawlkhat ki behlap a, tuciangciang misi akigawm in 33 phatota cih Reuters pan kizakbeh hi. Inn kicim sungpan in a awkcip mi 46 ki kaikhiathei in, tualak ah mi 33 pen asisa ahihi. Asilo tezong liamma tawh zawmmahmah uh cih kiza hi.

India, Mumbai ah guahtui tamlua in innkhat kicim, mi 11 si, 14 liam

India, Mumbai khuasung ah guahtui tamlua ahih manin innkhat cimsukmawk a, mi 11 bangin sihlawh uh cih Reuters pan kiza hi. India’s Commercial and Financial Hub sungteng ah ninihsung akizom in guahzu ngekngek ahih manin innkhat in aciplawh kici hi.

Tua akicim innpen kum 117 bang aphakhin innpikhat hi a, inndawl Floor 6 apha Six-storey Building khat ahihi. Thursday zingsangtunglam in akicim hi a, asungah mi tampi aomlaitak in akicim cihi.

Cheif Fire Official te genna ah hih inn kicipna hangin mi 11 in sihlawh in adangzong mi 14 bang liam uh cihi. Aliam te lakah Firemen zong mi 4 kihel uh cihi. Aliam leh asi tepen Hospital ah kipuak in kikhoi, kikem cih kiza hi.

Tua inn kicipna ageinai ah aomkha khat ahi Amina Sheikh in agenna ah thakhatthu in aging ngaihmahmah khat kaza hi. Vuikhu vive kithehthang zihziah ahih manin, bangmah kimu theilo hi. Vuikhu teng damdam in hongthen ciangin inn golpi khat akicimsuk ahihlam kamucian theipan uhhi ci’n genkhia hi.

Tualo inzong Mumbai khuasung ah guahtui ninihsung akizom in azukna hangin tuikhanggawp in mi 14 bangin sihlawh kici hi.

Video: Building collapses in Mumbai; 11 dead, dozens trapped

Hihbang in inncim cihpen Mumbai khuasung ah khakhat valdeuhsung in nihvei akizom in apiangta ahihi. Nungdiak July khasung inzong inndawl 4 “Four-storey Building” khat kicim ngeikhin a, mi 17 in sihlawh uhhi.

Inn kicipna kuamsung pen khuasung kongzing kuacik mahmah ahih manin, leitawhna Excavators zong asungah lutpihding hamsa mahmah hi ci’n National Disaster Response Force te’n genkhia uhhi.

More: India, Mumbai ah inn kicim in mi 8 in sihlawh, adangzong tampi liam

Hih innpi pen 2011 kumpek in omnadingin amuanhuai nawnlo ci’n aki tangkosa ci a, ahi zongin asungah aom te kihemkhia nuamlo in, 2014 kumciangciang innkuan 7 bek kihemkhia uh cihi.

Tuaban ah hih innpi pen City’s Municipal Corporation te’n tukumsung alauhuai inn 791 te lakah khatin akoih, aciapteh uh kici hi. Sawltak #zomidaily