ZAM Thupuak :: 07 Jul 2019 (Gamteelna lamtawh kisai thute)

ZAM Thupuak :: 07 Jul 2019 (Gamteelna lamtawh kisai thute)

UNHCR Resettlement gamteelna lamtawh kisai thute

UNHCR pan thukimpihna tawh gamteelna leh gamthumna lamtawh kisai thukicing in koilai pan in a kingah thei ding hiam?

Hih gamteelna lam tawh kisai gelna vaihawmna khempeuh kicing takin UNHCR in Gamteelna khutzat laibu sungah kimu thei hi. Gam tuamtuam te in amau gam, leitang ih gimna leh gelna tuamtuam nei hi cih kimu thei hi. Hih resettlement khutzat laibu pen mipi muhtheih ding in kikoih a, a nuai-aa link mek lecin na kicing takin kisim thei ding hi. www.unhcr.org/protection

Gam 3 na lamtawh kisai UNHCR resettlement khutzat laibu sungmah-ah laimai bukhen-na khenpi-6 na ah, limtakin ki hilhcian hi. Hih anuai a Link mek lecin kicing takin kien thei/sim theiding hi. http://www.unhcr.org/3d464e842.html

UNHCR Zumah bang ni tengin Durable Solution Unit (DSU)  ki dong/kan thei a hihiam?

Durable Solution Unit (DSU) pen a tawntung adingin kikhak phot aa, dotnop kohnop aneite a ding-in lampi a hoihzaw leh alemzaw dingin kigeelsan laitak ahih manin lungduai tak-in nong na ngakding uhzong hong thumlai ung.

Ka haksatna leh ka buainate DSU tungah bang ci bangin ko in amau tawh kizom/kithuza thei ding ka hi hiam?

Hih thu tawh kisai-in nang mimal in zumah ahih kei leh laikhak, fax leh e-mail tawh ahizongin nongphak, nong khak/nongdot kisamlo hi. Ahi zongin a thupipen in, na kizom/thuzak theih nadingin phone numbat leh whatsapp na zat khatpeuh a kician penpen UN zumah pia leteh akisam bang in UN zum panin appointment hong kizasak ding hi.

DSU in ka vaitawh kisai USA ah hong puaksak khit uh-teh kua kiang panin thuthak ka ngah thei ding hiam?

Resettlement Support Centre (RSC) te pen USA kumpi thuneite adingin nasem uhhi a, gambeel mite in inntuan theihna ding ngetna tawh kisai khempeuh US uliante tawh kopin a kisam banghong gelsak uh  ahihi. Amaute tungah na kan theiding hi. Kizopna ding phone numbat +60321415846 ahih kei leh e-mail tawh: RSC-inquires @rescue.org tawh na kizom thei ding uh hi.

Bangci bangin gam thumna ka paitheih nadingin kavai vengta hi cih koicibangin ka theithei ding hiam?

Gamteel leh gam thumna ngenthei dingte kipiakna, UNHCR Resettlement khutzat laibu khil/mai 6 na a kigensa mah bangin, inntuan dingin na kicin takpi leh na kicin loh ki ciantakin na mu thei ding hi. Hi lai ah a mek in: https://www.unhcr.org/3d464e842.html

UNHCR ah minkhumna ding thudotna ka neihzawh ciangin, gambeel takpi-hi cih theihpih na leh gamteel theihna ding bangtan vei ngak kulding ahi hiam?

UNHCR zumah gambeel mimal ki-ap khempeuh in Refugee Status Determination (RSD) thusitna a palsuak/neikim ding uh kisam hi. Hih pen mimal in bangci bang kepbitna kisam ahi hiam cih vel/et phatna leh akicianzaw a hoihzaw mimal ading geelna leh khensatna lakna zong a hi hi. Tua bang mah in, UNHCR in gambeel takpi mah-a asantheih mite in gamteelna nei thei ding uh hi. Tua hi a, gambeel mi taktak hihna leh gamteelna hun tawh kisai pen ama thu (Case) tawh kizui in kibanglo ding hi.

Ka UNHCR card ngahzawh bang hun ah gamteel ding in hong kisam ding ahi hiam?

Gambeel hihna card tawi khempeuh in gamteelna nei theih pah ding hikhin pahlo hi. Malaysia ah kum tampi omna in zong gam thumna hong tun ding cih hi tuan lo hi. Gambeel inntuan theiding a bukimna a nei, UNHCR Resettlement Khutzat laibu khil/mai 6 na sunga kipiasa bangte in gamteel thei bek uh hi. A kicianzaw in link na en in: https://www.unhcr.org/3d464e842.html

A tawpna ah, gam thumna a paisuak thei ding tetawh kisai in lampi tampi omlo ahih manin mimal in kepbitna tawh kisai akisam kin mahmah (Emergency) leh kepbitna tawh kisai akisam phadiakte (Priority) ki masak zaw deuh hi.

PAWLPI MAKAI LEH KHUA KIPAWLNA MAKAI TE TUNG ZAKSAKNA

Zomi Association of Malaysia (ZAM) palaai te leh Pawlpi leh Khua kipawlna makai te kilawmtakna khat a nuai a hun ngelna bangin kinei khawm nuam ahih man in Khua kipawlna leh Pawlpi makaite in pello in nong ki hel nading uh itna leh lametna lianpi tawh kong zawn uh hi.Hong kihel zo ding khempeuh in a nunung pen 08 July 2019 (Monday) ni ma in sazian nong piak nading uh zong kong thum khol nuam uh hi. Ani : 15 July 2019 (Monday) ZSM LAIBU HONG AP UN

Zomi Genvai Kipawlna (ZSM) laibu ih hawmkhait zawh sawtta a, March bei ah ap kik hamtang ding cih zong ih kigensa ahihi. Tua tawh kizui in hong ap kik kha nai lote in aman lang in ZAM zum ah nong ap na ding uh ih ki za sak pahpah hi. Hong ki-ap nailo te tawh kisai in vai khat peuhpeuh a om leh ZAM/ZSM in tavuan kila zolo ding hi cih zong I ki phawksak hi. I sep khop na hangin thahatna leh lawhcin na I ngah sa mah bangin mapang khawm in sem khawm ding in I ki zawn phapha a, laibu khut sungah a kem lai peuh mah in zong July kha bei ma peuh mah in nong ap kim na ding uh I kizasak kik hi.

KIMAT KIHEN NA TUAK LEH

Kimat kihen tuakin zum ahih kei leh na pawlpi sia/ khua makai te khat peuhpeuh tungah ahi zongin UNHCR zum ah ahi zongin thu na puak ciangin hih a nuai a thu te cingtak in gen theih sawm hamtangin. Tua hi leh na vai hong kivan pih dan nuam tuam mahmah pah ding hi.

• 1. Na min (Na card tawi tung a min hi ding hi)
• 2. UNHCR, ZAM etc card No.
• 3. Kimat ni (Bangni bang hun in kiman)
• 4. Kimatna mun (Koi mun koi kuam pan in kiman)
• 5. Kimatna a thu (Lampi pan, Nasepna pan etc)
• 6. Koi mun ah kipuak (Palik zum, Thong, Camp)
• 7. Body No. (Thong leh camp tungsate)
• 8. Bang thu tawh thong kia cih te hoih tak in I pulak theih ding kisam hi.

BIBLE CAMP AH SAPNA

Pasian hehpihna le hong gelsakna om bangin hong tungding July 25-28,2019 Myanmar Believers Fellowship Pawlpi in Bible Camp & Pasian Thu Nungta Tangkona kinei ding ahih manin, Zomi a kua maciat nong pai nadingun itna tawh kong sam uh hi.

• Speaker : Rev.Dr Pau Suan Kam (Th.D) (Principal- TTC, Tedim)
• Amun : Myanmar Believers Fellowship (Or) Jalan PJS 8/13 (Grab/Mycar)
• Ahun : 8:30am-9:30 am ( Devotion )
• 9:45am-10:30am ( kial lap )
• Thusin hun : 11:00am-1:00pm ( masa)
• Sun an (Lunch Time) 1:00pm-1:45pm
• Thusin hun : 2:00pm-4:00pm
• Nitak Biakpiakna : 8:00pm-10:30pm
• Contact phone : Pa Thangpu      018-3991296, Sya Thangbawk   011-23345951

ZAM ZUM AH HONG HAWH

Tualzang ZBCM pawpli ah Assistant Pastor a sem Sm Esther Ciin Suan Cing in Malaysia ah tawmvei hong zin sungin Zomi te a it aveina tawh kizui in ZAM zumah hong hawhin thapiakna leh thungetsakna hong nei ahih man in kilungdam mahmah hi. Topa’n sianu hong zang semsem lai tahen.

PILVANG TAK IN OM SAWM NI

Ih omna Malaysia gam ah nisim phial mah in amun mun ah kimat kihen om thei den ahih manin ei lam pan zong kidawp mahmah ding ih kizasak phapha hi. Hidan in kimat kihennate hoihtak etphatna ih neih ciangin a tam zaw pen ih vakna leh ih kim ih pamte in hong thuaklah in zum ah hong khiatna tawh kiman kitam zaw hi. Hidan dinmun ih tuak loh nadingin ei mahmah zong ih om dan ih khawldante a kipan ih pilvang ding kisam mahmah hi. Ei suaktakna in midangte anawngkaisak ahihloh ding ngaihsut huai semsem hi.

Malaysia gam sungah ih om sungin kipawlna khat limlim ah hoihtak ih kihel ding, Pawlpi khat limlim ah hoihtak member ih lut ding leh ih khua kipawlnate hoihtak kancianin kipawlkhop ding thupi mahmah a, tua dan ih ki pawl hamtang dingin zong ih kihan thawn pha pha hi.

Malaysia om Zomipih a kuamaciat ih omna gam huih nun zia tawh kizui-in kidawm ciatni cih hong zasak pha pha ung. Kiim leh pam a om mite in hong muh khialh loh dingin I om dan I khawldante kikem siam kawmsa in om ciatni. Vai thupi mahmah lobuang zong vakvak kei zaw leng hoih zaw ding hi. Grab tawh na vak leh zong na tuan ding motor hawlte hoihtak teelsiam lecin nang a ding hoih pen dinghi. A diadiakin mitamna munte ah tam vak kei leng ei ading hoih pen zaw ding hi. A zen zen in kimat kihen na khat natuak leh ZAM zum ah hong zasak pah in.

ZAM ZUM AH THUNGETNA OM DING

Hongtungding Saturday 13 July 2019 ni 11AM a kipan ZOMI’ TANGMI THUNGET PAWL te makaihna tawh Zomibup a ding thungetna om ding ahih manin, a gamla a nai cih omlo thungetna ah hong kihel kimciat na ding un zahtakna lianpi tawh kong zawn uh hi. A diakdiakin tulaitak Malaysia gambel te dinmun adingin nakpi takin thungetna kinei ding hi. Lungsim kipumkhatin ih thunget khopna in nalianpi hong piangsak ding cih ih lam en hi. Contact person: Siamah Ciin Ph. No.: +60182688752

NA UN VAI NAKAN NUAM HIAM?

Na UN vai lunghimawh in kannop dotnop khat peuhpeuh nanei hiam? UN Department tuamtuam ah laigelhsak nop na neih leh ZAM Member te ading mangenlo in ZAM zum pan lai kigelh sak theiden hi.

ZAM member I cihpen ZAM Card bawl ngei cihbek hi loin UN card a neih khit hang in a renew/hingsak den te pen member hiden cihna hi. Refugee na kicih sam hang UN Card naneih naikei leh UN ten kami hongci tuanlo hi. Tua a hih manin Zomi nahih leh ZAM card bawl in.

ZATO LAM BUAIPIH TENG

• 1. Hoih Kim (Suangzang) ACTS ah buaipih
• 2. Thang Sawm Mung (Pyidawtha) Selayang Hospital ah kibuaipih
• 3. Tual Khua Lian (Vangteh) Damlo in kawlgam ciah kik nang kibuai pih in 03 July 2019 ni in ciah thei.

ZATO LAM TAWH KISAI : Zato lam tawh kisaiin vai khat peuh na neih leh Contact :Sia Mungpi 018 3122 957

THONG LAM BUAIPIH TENG

• 1. Kam Pau Jalan Duta Mahkahmah ah kibuai pih
• 2. Vungh Sian Thang Jalan Duta Mahkahmah ah kibuai pih
• 3. Nang Than Tuang Jalan Duta Mahkahmah ah kibuai pih
• 4. Mung Khan Dong Jalan Duta Mahkahmah ah kibuai pih.
• 5. Cin Eng Lian Jalan Duta Mahkahmah ah kibuai pih
• 6. Mung Siam Tuang Kepong Manjalara pan palikte mat phone tawh kithumsak in sum beilo in suakta thei.

KIMAT KIHEN NA TUAK LEH 

Zomi te sungah kimat kihenna na tuak zenzen leh hih phone no. ah na hopih pah in. Nang a dingin a kigingsa in om denhi. Sia Tuang Pu : 016 254 4093, Sia Zo Mung : 017 663 6087, Sia Maa Mang : 018 913 2587

NASEP TAWH KISAI : Zomi nasep neilote in nasep tuamtuam om hi. A lunglut leh dot nop aneite in Sia Mungpi : 018 3122 957