Nute kammal ah thupha om ~ NK Khanno

Nute kammal ah thupha om ~ NK Khanno

1. Sang naupang no khat a sanginn panin laidal khat tawi kawmsa in inn lam hong ciah hi. A inn tun ciangin a Nu kiangah “Nu aw ka Siapa in inn na tun ciangin hih laidal na Nu bek na simsak in hong ci” ci in a khutsung aa laidal a Nu hong pia hi.

A Nu in kah awsuah kawm in “Na tapa pen a khuak hoihlua mahmah ahih manin hih hi bangdan sanginn lel ah laisin sak ding pammaih lua hi. Inn ah nang mah in na hilh in.” ci in a tapa zak dingin hong sim khia hi. Tua bang mahin a tapa a inn ah a sih madong lai hong hilh hi.

Nikhat a nu singkuang vel in a om leh, a neulai a sang pan in a kipia lai hong mu hi. Tua lai hong zal in a et leh hi bang dan in na ki-at hi. “Na tapa pen a khuak kicinglo lua mahmah ahih manin sanginn ah laisin dingin kisang zolo hi. Sanginn pan a kitawpsak ta ahi hi”

Hi laigual hing sim khit ciangin tawmvei sung hong lungngai dide in a khitui hong luangkhia hi. Tua kawmmah in a dairy bu sungah “Thomas A. Edison pen khuak kicinglo naupangno khat hi. Ahi zongin a Nu in kum zalom khat sungah a pil asiam (genius) pen mi khat in khel hi.” (Thomas A.Edison was a mentally deficient child whose mother turned him into the genius of the century)

2. Kum 10 a phak in a Nu in sih san hi. Apa leh a sanggampa tawh om uh a, a pa’n uk zolo in thauno khat tawh vakthap in lam gei tengah a hun a bei sak hi.

Tua zawh a sawt lo in a pa pen meigong Martha tawh hong kiteng uh hi. A Nukik inn hong lut ciangin a Pa in “hipa, pen gol leh zong khuasuak ding hi kei, migilo a suak ding hilel thusim se dah in” ci’n gen hi. A Nukik in “kalai, a mel pil mel, thuman mel peuhmah e. Nikhat niteh mithupi khat suak ding hi, ken pakta ingh” cih kawmsa in tua naupang pa kawi in a nam hi.

A Nukik in tua a phenphia naupang no pa hoihtak hong pantah hi. Sanginn te, biakinnte ah hong kha hi.

“Nang pen thumanglo mi na hi kei hi. Mipil ding khat na hi hi. Na lungsim ngaihsutna te lai in gelh khia in” ci’n hanthawn zelzel ahih manin tua nauoangpa in zong a Nukik thugen hong mang hi. A Nukik in laigelh zia akipan akisam bangbang huh in lamlak hi. A thauno a tawi hep sak in siktawh lai khetna khat hong leisak hi.

Hi bang dan teng tawh hi naupang no pa pen leitung ah lai-at siam minthang, thu gen siam, journalist leh mihaupi khat hong suak hi. Amah pen Napoloen Hill ahi hi.

Hih a tung a thupiang geel ih et ciangin Nute thupitzia, a kammal uh a vangliat zia ih mu thak ding hi. Leitung a galkap minthang Kumpi Napoleon in “France gam ii kisap bulpi in Nu hoih ahi hi.”

“Nauluai a vei khut in leitung uk hi.” acih mah bangin Nute pen leitung a khelthei mite ahi uh hi. Nk Khanno (Zingsol) Ref: 1. Thomas Edison, greatest inventor, a short motivational videoclip 2. Hapoloen Hill, Success Magazine 3. Wikipedia 4. Brainy quoutes