Hotpot Restaurant sungah naupangno khat mehtuisa ki pumbuahkha
Sengamsung aom Hotpot Restaurant khatah innkuankhat tawldamtak in anne hithiatding, akithawi atut laitak un, atapa amaitang panin tuisa kuangpikhat kipuakkha cihi. Tua tuahsiatna Video Clip pen Chinese Social Media tungteng ah ki thehzakgawp, Viral gawp hi.
Tuisa akibuakkha pen pasalno khat ahihi. Anu apa tetawh Table khatah atukhawm uh hi a, tua naupangno in mobile phone khat tawikawm in, bangmah theilo in, atu hithiat ahihi.
Tualaitak Waiter khatin amau nekding kuangpi khattawh mehtuisa hongtawi in, hongpai litlit hi. Amau tutna Table gei atun madiak in tua Waiter papen akhe taalcitciat in, akhut sungah atawi mehtuisa teng naupangno ii amaitang ah buakpheizai mawk hi.
Naupangno tawh amaingat lianin atuksuk ahih manin, naupangno ii amaitang leh apumpi khempeuh mehtuisa in buakgawp dikdek hi.
Anu apa tezong lunghimawh mahmah uh a, amanlang in dingkhia in atapa uh tawikhiapah uhhi. Naupangno pen bangciciang liamhiam, kangdeu hiam cihpen kitheicianlo cihi.
Video: Waiter slips and spills piping hot broth right into young boy’s face and body in China
Hih Video Clip hangin Chinese Netizens te Online ah ciakngeingai uh a, pawlkhat in Waiter pa mawhna bangmah omlo hi, hihpen Accident taktak hi ci uhhi. Ataktak in akhialpen Restaurant aneite hizaw, asualpen anallo dingin hoihtak siangthosak in, sathaunel leh tuikot aomloh nadingin hoihtak a etciksak detding hi ci’n ki Comment ngeingai hi.
Tua Waiter sempen adinginzong tuanibel nuamhetlo khading hi. Hotpot, Steamboat cihte zong kamsialeng tuisa aki pumbuahcip thei himawk hi. Hih thuthang gelhkawm in “Waiter” kammal zong gelhsuk vetdih ni. Ansai Restaurant cihte ah asem pasal tepen Waiter kici a, numei tepen Waitress kici hi. Numei leh Pasal alawhna kibanglo hi.
Related: Malaysia, Kota Damansara Cafe’ khatah datsithawl meikuangsa in kilot, mikhat liam
Zomi pawlkhat te’n Facebook tungkhawng ah “Waiter semding numei tuazah kideih” cihkhawngpeuh gelhthei uhhi. Zolia nungak pawlkhat leuleu, bangsem nahia ci’n kidongleh ke’n Waiter sem, peuh kicimai hi. Tellahluat bel omsamkei, ahi zongin midangte’n azatdan ih zatpihsawm ahihleh pasal tepen Waiter kici in, numei tepen Waitress kicizaw hi. Sawltak #zomidaily
Comment piaknop aomleh...