All Saints’ Day – Misiangtho-te’ ni (November 1st)

All Saints’ Day – Misiangtho-te’ ni (November 1st)

Tukaal teng, Halloween zan khit teh All Saints’ day leh All Souls’ day ci-in nithupi ni-in, a thei tampi ki om hi. Tu hunciang, Halloween ci-in a tuamtuam in kizepna tawh, pawibawlna in, a kineih hang’ a zomni te’ ki theikha bannawnlo ta hi.

November 1st ni pen, “Misiangtho-te’ ni” in leitung christian gam te’n ciamteh in pahtawi uh hi. Kawlgam leh Zogam lam aa, Christian te lak ah RC pawlpi in zang phadiak a hihi. November 2nd ni pen, “All souls’ day-Misisa-te ni” kici leuleu aa, hihhun sungteng in, misi-haante ki-hah in, daai kihawh hi. Zomi ngeina ah zong, Khuado hunsung in daai kihawh a hihi.

Zomite biak’ hongbawl Pasian in, mikhempeuh misiangtho suakding hongdeih hi aa, Christian te lungtup zong a hihi. Tua hang in, vantungmi leh misiangtho te ih ci tanghtangh hi. Vantung mi lak ah zong St. Michael-the archangel kici leh Lucifer kici te ih za ngei kha ding hi. Tua hi aa, November 1st ni pen, leitungmi-misiangtho suakte bek aa hilo in, vangtungmi te zong a pahtawh ki hi pah hi.

Pawlpi a kicihciang in, biakinnpi bek hipah samlo aa, leitung a omlai thu-umte, a sisa te leh vantung misiangtho te kigawmkhawm a hihi ci-in kigen phadiak hi.

Hih misiangthote-ni pen ei Zogam, Kawlgam lam ah RC te zuihbek in kingaihsun ta leh, nitumna gamlam ah pawldang tuamtuam ahzong kipahtawi veve hi.

Bangzah in, it-in,ngaimah taleeng’ nisim-a tawntung in khakham kipaih theisam lo aa, hong paisan sate’ “phawkding ni” cih, mimasa, thumu masate’n a na omsak uh, a lungdam huai-danhoih khat a hihi.

Ih minam, ih biakna hang aa, nuntaakna nangawn uh, a suplawh tampi te zong phawkhuai a hihi. A thudang hilo in, banghang in All Saints day kici? cih a tom in ih ki hawmsawn hi. Nantal’suan