Bang Cidan Inn Papi Na Hiam? ~ Dimno’ Pa
Nasem ciah inn natun ciangin na tate in kongbiang pan hong dawn in na ang a hong kidenna ‘inn papi’ na hi hiam? Ahih kei leh innsung na lutlian ciangin na tate teng a vek in a gelkhia sak ‘inn papi’ na hizaw hiam?
A pa uh hong it, ci-in a kipak mahmah ‘inn papi’ na hi hiam? Ahih kei leh ka tate in hong lau mahmah, ci-in a kipak ‘inn papi’ na hizaw hiam?
Na sepna ah bangzah in gim mah tale cin inn na tun ciang zi leh tate maitai’ kawm sa-in kongbiang a lut ‘inn papi’ na hi hiam? Ahih kei leh na sepgim tawh maipuam sa leh hehmai sa in inn kong a lut ‘inn papi’ na hizaw hiam?
Kimawlna teng inntual ah lot sak in a kimawl sak, ‘inn papi’ na hi hiam? Ahih kei leh naupangte tawh a kimawlkhawm ‘inn papi’ na hizaw hiam?
Tate mai ah kam hoih lo, kam khauh, kham sia a zang, ‘inn papi’ na hi hiam? Ahih kei leh tate mai ah kam pau, muk pau, pau tuak, pau tuakloh ding khen in, kampau a kidawm ‘inn papi’ na hizaw hiam?
Tate mai ah zi tawh a kitawng den, ‘inn papi’ na hih hiam? Ahih kei leh a nu uh a huh den, a phat den, ‘inn papi’ na hizaw hiam?
Tate mai ah kunza, khaini, zu, za zang in siatna lampi a hilh leh a totpihpih, ‘inn papi’ na hih hiam? Ahih kei leh tate cidam nadingin kimawlpih in lam a siauhpihpih, ‘inn papi’ na hizaw hiam?
Tate adingin hun a pia, ‘inn papi’ na hi hiam? Ahih kei leh iPhone adingin hun a pia, ‘inn papi’ na hizaw hiam?
Dimno’ Pa
September 25, 2017
Credit : Child Health Myanmar Page
Comment piaknop aomleh...