Malaysia, Kota Damansara Cafe’ khatah datsithawl meikuangsa in kilot, mikhat liam

Malaysia, Kota Damansara Cafe’ khatah datsithawl meikuangsa in kilot, mikhat liam

Malaysia, Kota Damansara vengsung aom Cafe’ saisung ah “Molotov Cocktail” kici datsi thawlsung ah meikuangsa in kilotsuk ahih manin, nasem Waiter khat liam cih theSun pan kiza hi.

Tua Waiter papen Bangladesh gammi khat hi a, kum 30 gualpawl ahihi. Datsi meikuang tawh alu leh akhut teng meikang in liam hi.

Hih thupiang tawh kisai in Police te’n agenna ah hih gamtatna pen migilo te ngongtatna Terrorism bel hiding in ummawhlo uh a, ahi zongin Business vaitawh kisai in kisiatpih khatpeuh in hihbang in agamta hiding in ummawhzaw uhhi.

Tua Cafe pen Jalan PJU5/1 lamziktung ah aom hi a, pasal khat datsi akithun thawl 3 tawh tua Cafe’ mai ah paiphei cihi. Tuakhit ciangin tua datsithawl “Molotov Cocktail” meihal in saisung ah lotsukmawk hi.

Tua meikuang alotsukpen in Cafe’ saimai ah ading nasemkhat dengkha ahih manin, alu leh akhut te ah meikuang in aliam ahihi.

Tua Cafe’ sungah adang nasemte’n amuh ciangin tua meikuang alotpa matsawm in adelhuh hangin, tuapa pen mawtaw tawh thakhatthu in nawhtaikhiat mahmah ahih manin, manzolo uhhi.

Police te’n tuageinai tengah akithuah CCTV Footage te kaikhawm in, tuabang in agamta kuahiding hiam cih akankhiatsan laitak uh cihi.

Datsi akithunsa thawl 3 apuaklak ah khatbek lawnpheiman in, anihna pen meitawh ahalsawm laitak in kiatsuah in, tuaciang in taimang vingveng cihi.

More: Indonesia gamsung aom ‘Myanmar Embassy’ sungah meikuang kilot

Nungdiak inzong Indonesia gamsung aom Myanmar Embassy sungah datsithawl “Molotov Cocktail” meikuangsa in kilot ahih manin, Myanmar Embassy meikatlawh cih kiza hi. Sawltak #zomidaily