Myanmar President asawtlo in Japan ah kumpivai tawh zinding

Myanmar President asawtlo in Japan ah kumpivai tawh zinding

Myanmar President U Htin Kyaw pen asawtlo in Japan gamah kumpivai tawh Official Visit in hawhding cih Xinhua News pan kiza hi. President U Htin Kyaw ii khualzinding vaipen zanni Friday (Dec 8) ni in kumpi lampan in thunei te’n atangko, Official Announcement abawlkhiat uh ci a, Japan leh Myanmar gamnih kizopna ahoih semsemding ngimna tawh ahawhding cihi.

Japanese Prime Minister Shinzo Abe in Japan gam ii Capital khuapi ahi Tokyo City ah akibawlding “Universal Health Coverage (UHC) Forum-2017” ah akahding in U Htin Kyaw asap hi a, tua sapna Invitation tungtawn in ahawhding ahihi.

Abeisakum November 2016 kum inzong Japan gamah Myanmar State Counselor Aung San Suu Kyi vahawh ngei hi.

Tua ahawh hunsung in Japanese Prime Minister Shinzo Abe in kamciamkhat napia a, hongtungding kum 5 hunsung in Myanmar gam lamthak nading “Nation’s Building” ah zatding in Japan sum 800 billion yen (7.73 billion U.S. dollars) tawh kong huhding uhhi ci’n kamciam limci mahmahkhat napia giap uhhi.

More: England, Oxford College ah pahtawina in akisuang Aung San Suu Kyi lim ki lakkhiatsak

Tuaban ah Japan leh Myanmar gamnih kikal thukimna Agreement khatzong nabawlkhawm uh a, Japan gam panin “Japan Overseas Cooperation Volunteers” te Myanmar gamsung ah ahuhding, Official Technical Asistance apiading in paisakding cih Framework khat thukimna nabawl uhhi. Sawltak #zomidaily