Hakha Myone, Bungzung khua ah Kawl pasal khatin numeino kum 6 khat buan

Hakha Myone, Bungzung khua ah Kawl pasal khatin numeino kum 6 khat buan

Myanmar, Hakha Myone, Bungzung khua ah kum 6 aphapan numeino khat apakik in zawhthawh thutawh buan (Rape) cih Chin Journal pan kiza hi.

Hihvai tawh kisai in Pyituh wonsaungmuh zumah asem ahi Siama Tazintint in anuai abang in genkhia hi. Bungzung khua ah naupangvai tawh kisai in Training kapai laitak numei khatin ka inngei ah ateeng naupangno kum 6 aphapan khat apakik “Step-father” in zawhthawh thutawh buanzel cih honggen cihi.

Tuabang in abuanzel ciangin numeino in anu kiangah apakik in buan ci’n genkhia hi. Ahi zongin anu in apa kiangah adot ciangin kabuankei hi ci’n nialden hi.

Numeino ii anu in apasal ii anu kiangah hihvai agen hangin, anu inzong ka tapa pen tuabangin gamta loding hi ci’n kuamah in umlo uhhi.

Ahi zongin nikhat numeino ii anupen Thingyan Meeting vaitawh inn ciahbaih a, tualaitak in apasal (apasal kik) in atanu abuanlian laitak tuakkha hi. Aveng te’nzong Siama Tazintint sapsak uh a, atun ciangin inndeisung panin numeino leh apakik hong pusuakkhia uhhi.

Tuaciangin numeino pen Siama Tazintint in thudotna nei a, abeisa inzong hihbangin apakik in zawhthawh thutawh utlopi in hongbuanzel hi ci’n genkhia hi.

Tua mibuanpa pen Kawlte (Burmese) khat kici a, tulaitak kimankhin in Hakha Police te’n thusitna neihdingin kem uh cihi.

More: Myanmar, Magway ah HIV natna anei pasal khatin kum 6 aphapan numeino khat buan

Numeino pen Mandalay Hospital ah kipuak a, Medical Checkup kibawlsak dinghi. Tua Medical Checkup Result tungtawn in aki buantakpi cih akimuhleh tuatawh kizui in apakik pen Rape Case tawh thu kibawlding cih kiza hi. Sawltak #zomidaily