Khuahun tungah ki ngalo in Pasian tungah upna tawh ki nga ni

(Don’t depend on condition or situation but depend on God)
1. Daniel in Babylon gam ah om taleh khua hun tungah kinga lo in Pasian tungah kinga ahih manin Topa in lamto hi.

2. Siluang natna neinu anatna tungah kinga lo in Zeisu tungah a kingat manin damna ngah kik hi.

3.Mosi nu in khuahun tungah kinga lo in Pasian tungah kinga ahih manin Mosi suakta in makai muanhuai suak hi.

4. Joshua leh Caleb ten muhna tungah kinga lo in Pasian tungah kinga ahih manin Topan gualzawhna pia hi.

5. Peter thongsungah aomlai takin amuhna tungah kinga lo in Topa hopihna tungah kinga ahih manin thonginn pi sung pan suakta hi.

6. Paul leh Silas te thongsungah aom laitak khuahun tungah kinga lo in Pasian tungah kinga ahih manin suahtakna ngah hi.

7. Abraham zong aneihsa tungah kinga lo in, Topa tungah kinga ahih manin ama tung panin Jehovah Jireh cih kammal hongpiang khia a, Pasian lawm cihna ngah hi.

8. Elijah zong amuhna tungah kinga lo in, Pasian tungah kinga ahih manin Carmel mual ah gualzawhna ngah hi.

9. Gideon zong mitam mitawm tungah kinga lo in Topa tungah kinga ahih manin gualzawhna lianpi ngah hi.

10. Noah zong kim leh paam tungah kinga lo in Topa hopihna aw tungah kinga ahih manin Topan tuiciin sungpanin suakta sak hi.

11.Job zong adinmun tungah kinga lo in Pasian tungah kinga ahih manin azahnih thupha ngah kik veve hi.

12.David zong amuh tungah kinga lo in Topa tungah kinga ahih manin alau huai mahmah Goliath zo hi.

Nang zong nadin mun hamsa leh lungkham huaina tampi omding hi taleh nadinmun tungah kinga kei inla Topa upna leh muanna tungah kinga lecin denciangin na lamet ngamloh thupha nangah ding hi.

– Tu laitak nadin mun Topa thei sak lecin denciangin nadinmunding Topan honglam lak ding hi.

Thungetsakna tawh,

Sia Pau Khai.
Jan 28.