Malaysia golhgukne akiman te lakah Police 3 kihel

Malaysia golhgukne akiman te lakah Police 3 kihel

Malaysian Anti-Corruption Commission (MACC) akici Malaysia gamsung aom golhguk nesimte apholhkhia kipawlna te’n zanni in mi 8 mankhia uh cih NST pan kiza hi. Tua golhguk nesim akiman mi 8 te lakpan mi 3 tepen Malaysia Police te cimawk hi.

Sarawak leh Johor State sungteng ah Operations abawlna panin amat khiat uh ci a, Malaysia gamsung ah gamdangmi Legal Documents neilo te tungpan in golhguk anekna hangin akiman uh ahihi. Malaysia gamsung ah Kawlgammi bekthamlo adang Asia gamtuamtuam panin nasemding in kipai ngeingai tek a, Work Permit abei ciangin illegal immigrants kisuakmang ta hi.

Tua Work Permit neilo, Passport leh Travel Documents neilo, UN Card neilo teng Malaysia Police te’n sumtawkna in hongnei kik leuleu uh a, kimat kihen khat omleh kitatkikna sumzong khangsak semsem lailai uhhi.

Tuabang in adeihzahzah, a ut zahzah hongnget ziauziau uhpen golhguk nekna hi a, tuabang in a gamtatna uh ana enciksim giugiau dingin MACC aomkhakpen diknakhat neibilbel hi.

Lamkhat leuleu ah hih palik tepen amau deihzah sum tahkhakei leng alungsim kawivanglak te’n hong lehhek theikik leuleu uhhi. Hihnu hihpa in sum golhguk hongpiaksawm, Bribe hongpiaksawm ci’n hong lehhekkik leuleuleh lauhuai mahmah zel hi.

Zanni inzong Sarawak aom Sessions Court ah Immigration Officer khat RM500 golhguk apiaksawm khat thukibawl cih kiza hi.

Sum hongngengen palik teng ki manmangleh ihcihsam hangin, amauteng kimanzelleh sum apiapia tezong hong banlawhto thei hizelmawk hi. Sumvai ah kidop huai mahmah cih phawk huai hi.

More: Malaysia mahmah ~ Mungpi Khupson

Nungsungteng zong muntuamtuam ah Operasi lut cih kiza kawikawi a, thunei te genna ah gamdangmi aguk om tamlua ahih manin, National Security lauhuai hi. Gamsung nawngkaina apiangsak pen gamdangmi te hizaw hi ci’n MACC Investigation Division director Datuk Simi Abd Ghani in genkhia sawnsawn hi.