Johor Baru ah kumpipa in sum hawmding cih thuthang hangin Shopping Mall ah mi dimzihziah

Johor Baru ah kumpipa in sum hawmding cih thuthang hangin Shopping Mall ah mi dimzihziah

Malaysia gamsung Johor State sungah kumpi asem ahi Johor Crown Prince Tunku Ismail Tunku Ibrahim pen zanni Wednesday ni in lametlohpi in Shopping Mall khatah vapai hi.

Tua apaina Shopping Center pen Tebrau sung aomkhat hi a, tua Shopping Center sungah vanleiding in akigual te RM3000 ciatbang hawmpheigawp hi.

Tua Shopping Center sungah Tunku Ismail Sultan Ibrahim pen sawtvei omhetlo, minute 5 sungkhawngbek adakpak ahihi. Ahi zongin tua adakpak hunsungin vanleiding in akigual teng sum tampi hawmkhia ziahziah a, asumhawmkhiat vekpi akigawm in RM1 Million beiziau cihi.

Tua thuthang huhau in, tuni inzong Johor Baru, Pontian sung aom Shopping Mall khatah Tunku Ismail hawhding kici a, mi tampitak in ngakzihziah uhhi.

Ahi zongin tua thuthangpen zuauthuthang “Fake News” hi a, Tunku Ismail pen kuadawk khialo hi.

Shopping Mall sungah vanleiding akineih mipi 1000 valbang kigual in, dimzihziah uhhi. Shopping Mall akihonphet zingsang 10am hun akipan mipite’n Johor kumpipa ahawhding, sum ahawmding angak in omzihziah uhhi.

Vanzuakna Shopping Center panin thunei ahi Econsave manager Mas Imran Adam in agenkhiatna ah Shopping Cart tawh vanleiding in akiguangsa bekbek 300 valbang kigual zihziah in, ahi zongin kumpipa apailoh ciangin tuate ki eknutsiat cihi.

More: China, Beijing aom Shopping Mall sungah temtawh mi 1 kidawtlum, adang mi 12 liam

Pawlkhat vanleiding akineih Shoppers tepen mi khatciangin Trolley 3 tabang van guansa phitphet in koih uh a, kumpipa paiding ngakngeungau uh cihi. Ahi zongin kumpipa apailoh ciangin tua vanguansa in akoihte pen nusiacipziau uh ahih manin, Shopping Mall sungah nasemte buaimahmah cih kiza hi. Sawltak #zomidaily