Malaysia, Kota Damansara inndawl 20 pan numeikhat lengkhia in si
Malaysia, Kota Damansara vengsung aom Condo (Condominium) innsangdawn inndawl 20 Floor panin numeikhat lengkhia in sipah cih theStar pan kiza hi. Tua numeinu pen Japan gammi khat hi a, amahleh amah sinuam ngiatin kisihbawl in alengkhia hihtuak hi.
Tua Japanese numeinu pen kum 62 aphakhin khat hi a, Thursday nitaklam 7:27pm hunpawl in Condo sung aom tuibualna “Swimming Pool” geipan in aluanghawm kimukhia hi.
Hihvai tawh kisai in Petaling Jaya OCPD Asst Comm Mohd Zani Che Din in agenkhiatna ah tua Japanese numeinu pen tua Condo sungah amahguak aomzawh kha 4 sungbang sawtkhinta cihi.
Amasa in tua Japanese numeinu pen Malaysia gamsung ah nasemding in alawmpa tawh apaikhawm uh ahihi. Tuahun pen abeisa kum 2 leh alang hunlai hi a, tuahunlai in Malaysia gamsung aom Japanese Company khatah nasem in aom ahihi.
Tua Japanese Company ah asepzawh kum 2 khitciangin tua numeinu pen nasepkhawl “Retired” hi. A pasal ahihleh Company ii Headquarters aomna Japan gamah nasep kilaih “Transfer” in kipuak hi.
Amasa in tua numeinu pen Kuala Lumpur, Bangsar vengsung ah aom masa ahihi. Tuakhit ciangin Kota Damansara vengsung aom Condo khatah akituah kici hi.
Hih numeinu sihna pen asivat “Sudden Death” cihtawh ki ciamtehphot a, aluanghawm pen Postmortem bawldingin Sungai Buloh Hospital ah kipuaksak hi.
More: Naupang kum 8 khat anu in tawng ahih manin inntungpan tuakin si
Azenzen in lungsim ngimluatna nei in, leitung nuntak hamsa nasakluat leh na hamsatna te kuppihtheih nadingin Phone saptheihding omgige hi. Tuatepen Befrienders kici a, Klang Valley sungah Phone Number 03-7956 8145, Penang kuamsung ah Phone Number 04-281 5161/ 281 1108, Sabah sungah Phone Number 088-255 788 cihtetawh ki hopih, ki kuppih theihi. Nunglamdeuh in Chin State pan Malaysia ah galtai Refugee khatzong UN Card ki lakkiksak ahih manin, alungsim kitamzan in amahleh amah ki sihbawl in inntungpan tuaksuk cihkhat kiza ngeihi. Sawltak #zomidaily
Comment piaknop aomleh...