ZAM Thupuak :: 13 Oct 19 (Malaysia Khuado sapna)

ZOMI KHUADO COMMITTEE PAN SAPNA

Zomi Khuado 2019 Malaysia vaihawm makai te min tawh 15 October 2019 (Tuesday), ni-in Chin Woo Stadium ah Zomite tui banggawm nangh Khuado pawi nasiatak a bawl dingin kong kho, zawn, theisak uhhi. Tuaban ah Malaysia gamsung a om Zomite khua kipawlna leh biakna kipawl na makaite, veng kipawlna te leh kipawlna tuamtuam tepan makai ten na hilhsawn sak nang un khuado Committee min tawh mawh puakna I kiguan hi.

Khuado pawi ah Malaysia gamsung a om zomite leh gam tuam tuam pan hong sim te Sia/Siamah te tawh nuamtak i bawl theih nang nasepna munciat pan off day, phalna te I lakkhol, kiginkholh theih nading I ki theisak hi.

Tukum Khuado pawipi sungah Zomi Idol Malaysia 2019, Top (5) kidemna, Zomi Body Builder Competition, Zomi League (Futsal) pahtawi piakna, Table Tennis pahtawi piakna, Zongeina lam tuamtuam, lasiamte in lasak tuam tuam leh talent show tuamtuam zong om ding hi.

Kum 1 Khatvei i neih Zomi Khuado Malaysia ah na taksa mahmah, na innkuan, na Sangbup, na pawlpibup a pawi nong sim na dingun itna lianpi tawh Khuado Committee ten kong zawn phapha uhhi. Hunsia, mat leh hen tuamtuam tawh kipelh nang thungen ciat ni.

MANGNGILH LOH DING: ***Khuado pawisim khempeuh minam puan silh ding.*** Zuu kamnam sa in pailo ding, ***kun zacil thangsiat loding. Nin thangpaihlo ding. *** I ngeina Khuado pawipi ei hangin a nawngkai loh nang ei mimal tek in mawhpuak ahi a, ei khua hangin Malaysia Zomi Khuado pawi a nawngkai a hih loh nading zong ki ngaihsut huai mahmah hi. I ngeina Khuado I cih pen Committee te Khuado hilo a, Zum te khuado zong hiloin Zomi mimal kim ciat I kepcing leh I zun den ding ngeina Khuado pawi ahi hi.

Tua ahih manin hih I ngeina khuado pawi ah I innkuan in, I lawm I gual te tawh nopci tak leh suakta tak in I bawl theih na’ng in ei mimal tek in mawh puak a nei I hih lam I ki phawk sak phapha hi. I ngeina pawipi a nop leh a lawh cin theih na dingin nang hong huh ding hong panpih dingin Palik, Rela leh Zomi Khua kipawlna makai te om ding ahih manin amau tawh kikop in nasep khop ding zong I ki hanthawn hi. I pawipi a et lawm leh a lawhcin na ding ngaihsutna tawh thunei te lobuang stage tungah kikah sak lo ding hi. Tua ban ah zun buk sungah mikim ading a lem pen ahih na ding ngaihsutna tawh zun buk lut man RM-1 ta kila ding hi.

Zomi khangno te kipan ta ni, bil langkhat tawh za in a langah paisuak cih te ahihloh nangh Laibu khat tawh hong kuan un. Tuni a khangno te zingciang makai ding ki thawithawi ta ni. Zuu a zuak a om leh kumpi thunei te in hong kempah ding hi. Tukum pen CID te in zong hong en cik ding a, buaina I pian sak kei leh lung himawh na ding a om loh hangin buaina I pian sak leh amau hong ciah pih pah ding uhhi. Tua ahih manin pilvang tak in om ciat ni.

MAPANG KHAWM NI ZOMI KHUADO 2019

Zomi Khuado pawi bawl ding tawh kisai in 22 July 2019 (Wednesday) ni-in ZAM zum ah thudotpi te tawh kikup khopna kinei in, Zomi Ngeina Khuado Pawi limtak bawl dingin thukimna kinei hi. A mun dingin Zomite Khuado Hall, Chin Woo Stadium mah ki kipsak hi. Khuado pawi nasiatak a bawlna dingin sum leh pai tampi hong kisam ahih manin muanna leh lametna lianpi tawh Khuado Committee in anuai a bangin mapang khawm dingin kong zawn uh hi.

• 1. Khua kipawlna pan RM200 pan a tungsiah,
• 2. Biakna pawlpi khat ciang RM300 pan a tungsiah leh
• Khua kipawlna leh Pawlpi panbek hilo in, mimal in zong ma ih pan khop nadingin kong ngen uh hi. By: Khuado Committee 2019

ZOMI KHUADO 2019 COMMITTEE TENG

• 1. President : Rev. Dai Sim Mang
• 2. Vice President 1 : Sia Hau Thang
• 3. Vice-President 2 : Rev. Thang Do Khen
• 4. Vice President 3 : Rev. Peter Dal Khan Lian
• 5. Secretary : Sia Kap Za Khup
• 6. Joint-Secretary : Rev. Gin Khan En
• 7. Treasurer : Sia Joseph Tuan Sawm Tuang
• 8. Accountant : Sia Simon Pau Khua Muan Lal
• 9. Accountant 1 : Pa Thang Suan Piang
• 10. Auditor : Rev. Thang Za Cin
• 11. Auditor 1 : Rev. En Cin Pau

MEMBERS

• 1. Rev. Khen Za Dal 6. Sia Thang Zo Mung
• 2. Pa Thang Za Khai 7. Sia Kam Sian Mung
• 3. Rev. Thawng Khan Sut 8. Sia Mamang
• 4. Rev. Pau Sian Piang 9. Sm Cing San Huai
• 5. Rev. Ngin Khat Thang

ZOMI KHUADO 2019 ADING PANPIH NA HONG PIA SA TE

• 1. Sing Za Cin (Mualbeem) RM100
• 2. Zomi State Fund International, ZSF (I) RM200
• 3. IZCC Pawlpi RM300
• 4. Tuicinlui Khua Kipawlna RM100
• 5. Heilei Khua Kipawlna RM200
• 6. Mualbeem Khua Kipawlna RM200
• 7. Saizang Khua Kipawlna RM200
• 8. Lingthuk Khua Kipawlna RM100
• 9. Tuithang Khua Kipawlna RM200
• 10. Dimpi Khua Kipawlna RM100
• 11. Cikha Khua Kipawlna RM200
• 12. Tuimang Khua Kipawlna RM200
• 13. Ngalzang Khua Kipawlna RM150
• 14. Pimpih Innkuan Malaysia RM200
• 15. Tuilangh Khua Kipawlna RM200
• 16. Lalta Khua Kipawlna RM200
• 17. Phaileng Khua Kipawlna RM200
• 18. Suum Mang Ann Sai (Pudu) RM100
• 19. Singgialzang Khua Kipawlna RM150
• 20. ZCA Pawlpi RM300
• 21. Teeltui Vontawi Innkuan Malaysai RM200
• 22. MBF Pawlpi RM300
• 23. Thangkai Suangpi Khua Kipawlna RM100
• 24. Mualpi Innkuan Malaysia RM200
• 25. Lamzang Innkuan RM150
• 26. Praise Adonai Sanctuary Pawlpi RM300
• 27. Langzang Khua Kipawlna RM200
• 28. Suangsang Khua Kipawlna RM200
• 29. Malaysia Laipian Pasian Pawlpi RM300
• 30. ZCF-Kajang Pawlpi RM300
• 31. Zion Christian Church -Songailong RM300
• 32. Myanmar Mission Church (MMC) RM300
• 33. Shalom ZCWC Pawlpi RM300
• 34. Laaitui Innkuan Malaysia RM200
• 35. Pyidawtha Innkuan Malaysia RM200
• 36. Haupi Khua Kipawlna RM200
• 37. Phaiza Innkuan Malaysia RM200
• 38. Manna Zomi Christian Church RM300
• 39. Tuimui Khua Kipawlna RM200
• 40. Pangsak Khua Kipawlna RM100
• 41. Pangzang Khua Kipawlna RM100
• 42. ZCF-Bethany Pawlpi RM100
• 43. Lunmual Khua Kipawlna RM100
• 44.Suanghoih Khua Kipawlna RM100
• 45. Zomi Catholic Community of Malaysia RM300
• 46. Ngalbual Khua Kipawlna RM200
• 47. Tuizang Khua Kipawlna RM200
• 48. Buanli Khua Kipawlna RM200
• 49. EBC- Kl Pawlpi RM300
• 50. Zomi Adventist Church (ZAC) RM300
• 51. Sezang Khua Kipawlna RM200
• 52. Vangteh Khua Kipawlna RM200
• 53. Darkhai Unau RM200
• 54. Zonuamzang Khua Kipawlna RM200
• 55. Thalmual Khua Kipawlna RM100
• 56. Anlangh Khua Kipawlna RM200
• 57. Immanuel Christian Assembly (ICA) RM150
• 58. Shalom Christian Fellowship (KD) RM300
• 59. Zomi Ebenezer Malaysia (ZEM) RM400
• 60. Zomi Innkuang -Rawang RM300
• 61. Zomi Christian Fellowship (ZCF-Canaan)RM300
• 62. Malaysia Tedim Suangpi Innkuan (MSI) RM200
• 63. Haiciin Khua Kipawlna RM100
• 64. Suangzang Khua Kipawlna RM200
• 65. Agape Church RM300
• 66. ZCF- Hatamas RM300
• 67. Mualnuam Khua Kipawlna RM200
• 68. Dimlo Innkuan Malaysia RM100
• 69.Zampi Khua Kipawlna RM100
• 70.Tongsial Khua Kipawlna RM100
• 71. Kansau Khua Kipawlna RM150
• 72. ZBCM Pawlpi RM200
• 73. Zion UPC Malaysia RM100
• 74. Lailui Khua Kipawlna RM200
• 75. Harvest Church RM200
• 76. MZYA RM100
• 77. Vongmual Khua Kipawlna RM100
• 78. Lailo Khua Kipawlna RM200
• 79. Malaysia Suangphei Innkuan RM300
• 80. Saipimual Khua Kipawlna RM200
• 81. Taaklam Khua Kipawlna RM100

ZOMI KHUADO 2019 FUND DING LUCKY DRAW KI LEI THEI LAI

Zomi Khuado 2019 fund zon na in I bawl ahi Lucky draw dal khat ciangin RM5 tawh kilei thei ta ding hi. I minam pawipi a kibawl zawh nadingin I mapan na khat ahih manin a kua maciat in I leiciatna dingin zong kizawn pha pha hi hang. ZAM zum, Khua makai te leh Pawlpi te ah kila thei ding hi.

PILVANG TAK IN OM SAWM NI

Tuhun laitak in kimat kihen hong tam mahmah a, Malaysia kumpite in a gamsung ah phalna lo tawh om mitampi tak siangsak nuam ahih manin kimat kihenna hong tam to semsem ding hi ci gen khia khin uh hi. Mun tampi ah Oparasi lut kawikawi ahih manin I omna ciat ah kidawm tak, pilvang tak in om ding hanciam ni. A thukin lua mahmah ahih kei leh vakvak loin I om na ciat ah daitakin om ding hoih zaw tham hi. A zenzen in nasepna ah thuneite in sitna khat hong neih leh kei pen UNHCR ah gambel in hong san ding ngak in a om hi ing/UNHCR card tawi gambelmi ka hi hi.

Ka nuntak nading hih teng ah part time tawh na a sem pak hi ing ci-in I gen theih ding thupi ding hi. Tua bang mah in I boss te kiang ah zong limtak gen khol in. Amau mahmah in zong hihte pen khasum tawh ka sepsakte hi kei part time in hong kuan pak zel bek uh hi hong cih sak ding zong kisam hi. Malaysia om Zomipih a kuamaciat I omna gam huihnun zia tawh kizui in kidawm ciatni cih hong zasak phapha ung. Kiim leh pam a om mite in hong muh khialh loh dingin I om dan I khawldante kikem siam kawmsa in om ciatni. Azenzen in kimat kihenna khat natuak leh ZAM zum ah hong zasak pah in.

WELCOME TO ZAM

Kawlgam, Vaigam, tuipigal leh gam tuamtuam pan Mala -ysia ah hong zin Zomi makai te’n Zomi zumpi ahi Zomi Association of Malaysia(ZAM) ah nong hawh hamtangin thapiakna leh idea tuamtuam piakna nong neih na ding un kong zawn phapha uhhi.

TUKAL ZATO LAM BUAIPIH 1. Vung Lun Mawi (Tauleng) DSH Specialist

ZATO LAM TAWH KISAI

Zato lam tawh kisai-in vai khat peuh na neih leh ZAM zum ah hong ko in. Contact :Sia Mungpi 018 3122 957

TUKAL SUNG THONG LAM BUAIPIH TENG

• 1. Zam Lam Pau (Zangzawl) Setapak Balai Polis pan kitan khia thei
• 2. Khup Lam Thang (Khuadam) Sungai Buloh thongah kimuh pih thei
• 3. Vungh Khan Dal 18/09/2019 Kepong veng pan mang in kikan sak kawikawi a, Sungai Buloh thong ah kimu
• 4. Za Khan Mang 18/09/2019 Kepong veng pan mang in kikan sak kawikawi a, Sungai Buloh thong ah kimu

KIMAT KIHEN NA TUAK LEH :Zomite sungah kimat kihen natuak zenzen leh hih phone no. te ah na hopih pah in. Nang adingin atawntungin kigingsain om den uh hi.

• Sia Tuang Pu : 016 254 4093
• Sia Zo Mung : 017 663 6087
• Sia Maa Mang : 018 231 1365
• ZAM Hotline : 016 293 9027

ZOMI TE ADING NASEP :Malaysia gam sung om Zomi te nasepneilo in nasem nuam mahmah napi nasep zon nang a lemlo te in ZAM zum ah hong dawp un. Zomite a ding man ngenlo in nasep kizon sak den hi. Contact – Sia Mamang – 018 231 1365

ZAM ZUM KIKHAK DING

15 October 2019 (Tuesday) ni Khuado pawi zang ding I hih manin ZAM zum kikhak ding hi.