US kumpi in peemta mi 858 te Citizenship piakhial ahih manin sitpha kikding

US kumpi in peemta mi 858 te Citizenship piakhial ahih manin sitpha kikding

U.S. Government in alung himawhhuai gam “Countries of Concern” in aciapteh uh gampawlkhat pan US gamsung ah peemta Immigrants in atung mi 858 te Citizenship piakhial uh cihthu AP News te’n September khasung in genkhia uhhi. Hih vai tawh kisai September 19 ni in US Homeland Security Audit Release sungah genkhiatna nei uh a, tua U.S. Citizenship akipiakhial te lakah “Immigration Fraud Case” vai tuamtuam hangin hong paikhiatna gamah puakkikding “Pending Deportation Orders” pawlkhat zong kihel uh cimawk hi.

U.S. te လဝက ahih keileh DHS “Department of Homeland Security” panin thukancian Inspector te genkhiatna ah tua peemta Immigrants te in U.S. Citizenship a nget laitak un midangmin zatsak cihkhawngleh amau suahni ahilopi zang cihte tawh Citizenship ngetna Application bawl uhhi. U.S. Government Databases sungah hih peemta Immigrants mite ii khutma Fingersprints te omlo ahih manin, atom in USCIS ihcihcih “United States Citizenship and Immigration Services” te’n Citizenship Application akibawl ciangin apiakhialkha uh cimawk hi.

Hih Report sungah tua peemta Immigrants te khatciat ii amin apuam kigelhlo a, ahi zongin Inspector General John Roth ii Auditors te genkhiatna ah United States gam adingin alung himawhhuai pawlkhat leh zuaukhemna Immigration Fraud akilimzat mahmahna gampawlkhat pan cihciangbek genkhia uhhi. Tuaban ah Report sungah tua mite banggampan cihzong genkhialo uhhi.

DHS Officers te genkhiatna ah hih mite ii Fingerprints tepen Computer sungah Electronic Database tawh kikemkhalo a, labusung ah Paper-based laidal bekin kikemkha ahih manin, amau te ii Information pen aki zongkhiapak theilo ahihi ci uhhi.

Tua ahih manin Immigration Officials te’n hihte khatciat ii Files tepen Database sungah Upload ding uh a, kumpi thunei te’n amuanmawhhuai Fraud Case dingin aki ciamteh te etcian kikna neiding uh cihi.

U.S. Federal Databases sungah peemta Immigrants mi 315,000 te ii Fingerprints omlo, mangthang hi ci’n Inspector General John Roth ii Report sungah genkhia hi. Tuate lakah pawlkhat pen US gamsung panin hawlkhiatna “Final Deportation Orders” a ngahkhin leh gitlohgamtatna Fugitive Criminal ciaptehna anei pawlkhat kihel cihi.

Tuaban ah US Immigration and Customs Enforcement panin mi 148,000 te ii Immigrants Files te etcianna neinailo uh a, tuate avek un Fingerprints guanbeh in etcianna neiding uh cihzong kiza hi. Hih mi 858 te lakah Zomi te aki helkhaloding in lamen hang. ZD Sawltak #zomidaily