Tu laitak ZOMI cih ih minam min nuai ah ma ih suankhop laitak hi a, kipumkhatna ding ki lunggulh mahmah tek hi. A hizongin kimakaihna lam ah thanem lai mahmah ih hih manin Zomi a kici khempeuh khutkhat tawi khekhat khekhat khai ih batna ding pen hamsa mahmah lai ding hi.
Zomi bup ahuam dingin kipawlna khat ki phuan leh adang khat in tua mah tawh a ki lamdang khollo khat phuan leuleu ahih manin kipawlna khat a picing ding zahin picing zo taktak lo hi. Gtn: (ZCLS = ZOLUS), (GZA = LZI), (ZCD = WZC), (ZOMUS = ZOMI IDOL), etc…,.
Hih a tunga (-) khat sunga om tegel in nasepdan uh a kilamdang lua omlo ahih manin khat ah a kigawm khop theih kei pen leh zong kizasak in a thu beek in kikupkhop theih ding kisam hi.
Zomi sungahTrasformation pi khat om henla, kipawlna tuamtuamte a kigawm khop kik theihna dingin ZOMI COUNCIL cih khat om in, tua Council nuai ah a vaipuak zui in a namnam in department or ministry khatta in om thei leh bek na hoihtak kisem thei in ki ciapteh sak, ki thusip sak thei pan in Zomi nasepna muibun thei pan ding hi.
EXECUTIVE COUNCIL?
Hih Council pen Zomi bup huam, gam vai, minam vai ah vaisai pen hong suak theihna dingin Zomi a kici khempeuh kum 18 tungsiah (Gtn: mimal 200,000 kiim) tengin kum 4 khat vei election neih ding, gamdanga ten online vote tawh GENERAL ELECTION pan kitel dinga kum 4 term khat ih ki laihto diamdiam thei lel ding hi. EXECUTIVE COUNCIL te pen khasum ih piak kul ding ahih manin vote pia thei kum 18 tungsiah khempeuh in kha sim in member fee dan pian khat in fund ki zong thei ding hi. Ih omna gam ii sum liatna leh mimal ii sum lut kibanglo ahih manin, Zomi bup ih vekpi in, ih mimal sumlut vekpi ii 1% khawng tawh kipawl le hang kisem zo mahmah lel ding hi.
Gtn: Kha sum kician ngahna a neilo khua lamate in kumkhat sung a thaman tung pan ki leh tuat kik thei a, sumlut omloh hun aitang pen a piak zawh hun ciang lom piak sak thei lel ding, a sum atawm atam sangin a kihel ahihna thupi masa zaw.
ZYA & ZOMI INNKUAN
Kawlgam Vaigam a om Zomi khua pi khua neu khempeuh ah Zomi Youth Association (ZYA) nei tek in, Gamdang a om khempeuh in a omna gam tek ah Zomi Innkuan kinei tek in, hite in mipi leh jkkammakaite kikal ah tanu or palai hong sem thei hileh vai hawm hamsa nawn hetlo ding hi. ZYA leh Zomi Innkuan makai ding pen zong amau mun tek ah term mah tawh kitel in ki laih zel leh nasep mazang mahmah lel ding hi.
Tua hi leh ZOMI tawh minam khat a ih dinna in man nei mahmah dinga, national level-international level ah nalian tampi kisem zo in, ZOGAM hong tangzai semsem ding hi.
NB: Mitkha a muhkholh theihpak ding Tom-kim-cing bek hi!
Vei luat na tawh
JK Kam
ITNA LEIBA
Comment piaknop aomleh...