Crane khatin mawtaw pailaikhat nilkhagawp, ahawlpa silo bilbel

Crane khatin mawtaw pailaikhat nilkhagawp, ahawlpa silo bilbel

Malaysia, Kuala Terengganu, Bukit Tumbuh ah Crane khat ahawlpa in ukzo nawnlo, Control zonawnlo ahih manin, mawtaw khat phukhagawp cihthu theStar pan kiza hi. Hih thupiangpen lamzikpi tungah hi a, tua aphutkhak mawtaw sungah mawtaw hawlkhat aom hi a, kamphatna tawh suakta bilbel cihi.

Tua mawtaw hawlpa pen kum 35 aphakhin, Syukri Mohamad Ibrahim kici minnei khat ahihi. A mawtaw pen Proton Wira hi a, Crane in aphutkhak ciangin nilpheigawp a, Meter 15 sungbang phulphei cihi.

Tuabang in Crane in anilpheiphei laitak in mawtaw sung aompa kihem khiathei bilbel a, bangmah liamna omlo in suaktakthei bilbel cihi.

Crane Driver papen kum 36 aphakhinkhat hi a, thagui taithei natna cih Epilepsy natna namkhat nei hiding in ki ummawh hi. Kawlpau leh ဝက်ရူးပြန်ရောဂါ cihdan in omgawp ahih manin, a Crane hawlpen ukcipzo nawnlo ahih manin, Proton Wira mawtaw aphukhagawp hihtuak hi.

Anuai ah YouTube Video tomno khat ki enthei dinghi

Man narrowly escapes from being crushed by runaway crane

Kuala Terengganu Police Chief te genkhiatna ah hih Accident apianhun pen tuni Thursday 3:40pm hunpawl hi ci uhhi.

Crane Driver pazong Sultanah Nur Zahirah Hospital ah kipuak suakpah a, siavuan te’n etcianna neiding uh cih kiza hi. ZD Sawltak #zomidaily