Zomi ulenau te aw,
Pang sak khua mi Singunau a teng Pa Vial Za Gin leh Nu Nem Awih Cing te tanu Lia Cing Lawh Dim (kum-19) pen 2013 April kha Ni 2 ni a Yangon pan Singapore a leng ci hi.
Nasem ding apai hi a agent(Puaisa) pen Vung Ciin a cih hi. Singapore apai ding ni azan in inn lam hopih in tua zawh bangmah thuzak na om nawnlo ahih man in apa ten hong kan pih un ci in ZYA Zum ah huhna hong ngen uh ahih man in kong tangko khia uh hi.
Athei kha ih om leh ih kizaksak nading in ih ki thum phapha hi.
Kam Suan Mung
Secretary
ZYA
Dear u leh nau,
hih thu tawh a kizom in, hih ci bang a Singapore hong pai peuhmah in meltheih khat leh nih i contact number neih hamtang ding leh i tun phet in i tun lam zaksak hamtang ding kisam mahmah hi. Tun phet in a sap dan ding a lem kei leh zong a zing leh thai in sap hamtang ding hoih mahmah hi.
Tua bang i cih ciang in hong pai khempeuh tuahsia pah uh hi cihna hi lo hi. Thu a kizak loh hang zong nuam a sa mahmah tampi ki om veve sam hi.
Lawh Dim vai pen lung himawh luat ding in na tuat kei phot ni. Thu i zak loh hang in a tuahsia ding in ngaihsun kei ni. Tua i cih ciang in a thu kan kul lo cihna hi lo hi. A thu pen kan ding mah a hihi. A hih theih leh Vung Ciin’ phone number kan masa zo le hang i maban ding hong lem toto ding hi. Vung Ciin phone number a thei i om hiam?
Khawmlay
Comment piaknop aomleh...