Congo ah lungphona neite 26 kithat

Congo ah lungphona neite 26 kithat

Dec. 22, 2016: Congo President’s Kabila in president a let ding hun zan nitak in bei ta napi-in a za nusiat sawm tuan lo ahih manin lungphona mun tuamtuam ah piang hi. Kabila in president za a let ding deih nawn loin lungphona neite galkap ten thau in kap uh a, tu dong mi 26 in sihna tuak ta hi ci-in rights group ten pulak uh hi.

Galkap leh police ten lungphona neite tungah thautang (live bullets) zang uh ahih manin mi 26 sangin a tamzaw in sihna tuak ta ding hi ci-in Human Rights Watch in ci hi.

Human Rights Watch researcher Ida Sawyer in a Twitter ah galkap leh police ten a mi thahna uh pen Kinshasa (southern city of Lubumbashi) leh a kiim teng hi a, khuami ten Republican Guards ten inn khat khit inn khat ah mi zongin khangnote man uh hi ci hi.

More: KFC Japan te’n “Finger Condom” bawl

Kabila in president za pen a pa’ kithat khit nung 2001 in a let hi a, Congo upadi (constitution) in president za a let kik theihna ding kiteelna a om kik mateng phal lo hi. Kiteelna pen November kha-in neih ding a, President za kipak khiatna ding zan nitak hi napi-in Kabila in thuneihna za a let nuam lai manin 2018 ma kiteelna neih theih loh ding hi ci hi. Source: Reuters and The Hindu/ Thang Khan Lian