Laiteidan leh Laigelhzia

Laiteidan leh Laigelhzia

Pasian in Zomi tepen, hong tawisang hong lamto in, hong lawnto lai ahih manin, USA ah tampi itung ta hi. Lai lam zong kikhangto mahmah a, ipawlpi tek, LST leh ZBC labu tei in, i tuamneih ta hi.Ahi zongin, ei ut tumtek in phengtei gawpmang i hih manin, nopna dahna mun ah la kisakhawm thei nawnlo in, hong pilvai lo mahmah hi.I lawm namdang ten Tedim te hong bangcimuh ding uh hiam? Tham loin, mailamah itu ita ten a kua laitei, akua lai gelh zia maanpen mawk hiam ci-in, buai kipatna in nei ding uh ahih manin, a hun lain, kipuahpha leng hoih dinghi ci-in , hih lai kong gelhi hi.

BANGCI KIPUAHPHAT DING

1. LST leh ZBC labu kammal laimal kimawk laih teng zangh nawn kei leng.
2. Pasian cih ding dawi, cikha ahih kei leh mi’ laigelhsa mawk khel lo ding.
3. Mithu/la, ideihgawh leh phalna ngen masa ding;(90% MITE’NUN ZIA) Agape sia, Thang Za Kap in atuamna lim hongngen in kapia pah hi.
4. Laimal izat loh,Q,W,R,Y,F,J,X, cih te leh Mung pen, Moong, pum pen Pome cih te izat teh miten pilsi e, hong cilo mawk uh hi, ahang’ pen,Mung, in khiatna nei a, Moong in khiat na nei lo hi.
5. Zolai zuun makai te leh zolai tam agelh zawdeuh te in , . / ! @ ; : – _ = () ‘ $ cih te a , kipan (i, zatna leh, ii, zatna te thukhat inluang thei leng, igam zelbaih pen ding hi.)Kammal laimal ikhel leh zongh ikhel dan kibangsak beek’ leng hih ding hi.

ZBC LABU TEI DAN KIKUM NI

1. ZBC. no.416-Khaici manpha vawh un cih pen, (tuh un, lawn un, theh un, phum un, paai un, khia un, cih kul sese ding hiam?)
2. Phat ve un , cih pen, (phat ve vua, phat vuau leh, phat ciat un, phat gawp un, phat dih ni, pahtawi ni, phat heethaat ni)cih kul nawn se ding hiam?
3. Bangzah nalian cih pen, (Liansi ciai maw, Gol hi, Ngeeng hi, Zaa hi, Zai hi, Thuk hi, hi veva hi cih kul lo lel hi.) Deih na kibang in, a aw kilam dang hi.
4. Lam bang (puak) zaila sani hilo i, (lambang paak’) hizaw hi, Ka vagammang mualtung khua (paam) lak hi lo in (khua dam lak) hi zaw hi.Thang van dawng i tun ciangin, cih pen, Van tung ah, leng van ah, Van sang ah, Thangvan ah, cih kul se lo hi.

LST TEI DAN TAWM KIKUM NI

1. Mt, 28:1-Sabbath ni bei khit (Nipi Ni zingsang) cih ding hilo a, Sabbath ni bei zawh kaal khat a, ni masa bel ni-in Zeisu tho hi cih ding hizaw hi; Cope topa in zong tuaci tei zaw hi.
2. Revelation pen, (direct in) tei leng (pulak na, lahkhiat na, tel lahna) zongh hikha na ve’mailam thu gen thei te, mimuhloh amu thei te, ei Tedim mi ten mangmu te ki ci hi, Mang, kigelh ahih man a, mangmuhna kici hi zezen kei.Gtn- Ei pau a, sakhi tuihuup pen, kawlpau in (direct) in khia leng (chii kong kah zii soh dee) peuhhilel ding ahih manin, adeihna om theilo hi.
3. Isaiah, 66:23,24- Van thak leh leithak ah, Sabbath khat pan Sabbath khat ka mi te’n hong bia ding uh hi cih laigual pen, LST puahpha ten gelh nuamlo uh hi. HIh pen laisaingtho kammal paikhia hi a,lauhuai mahmah hi.
4. Luke.23:54- Zeisu sihni (kigin ni) hi a, cih pen, (Nipi zaw ninga ni) cih zen zen ding hilo hi. I um thei naikei zongin, LST tei ten amaan mahin tei zaw leh, thumaan, mipil tangzaw lo diam?

MITEN BANG GEN HIAM?
“ZBC labu sangin, amasa TDM labu hoihzaw a, tulai a, kitei sangin, ZBC hoih zaw hi” kici hi.

“Tu hun a, LST kipuahpha te sangin, Cope topa’ hongtei sak hoih zaw a, upna tawh kitei ahiam?Hong bun zaw hi” kici hi.

DEIHNA BUL PI
Eimi te iki pumkhat theih nangin, ilaitei dan igelh zia kibangsakin, iminam leh ilai tawisang to dingin, ikhel leh zong ikhel nop teng kibangsak leng kipumkhat na hong hipah ding hi, atelsaim ding leh akipuahpha nuam dingin, Topa in lungsim nip hongguan ta hen. Amen.

Pa Sian Cin Zam
Pinlong (7),
Kalaymyo