Singapore ah hongnusia Lhai Nei Kim ading huhna sum kidonsak

Singapore ah hongnusia Lhai Nei Kim ading huhna sum kidonsak

Singapore gamsung ah zanni in inntungpan kia (tuak) in hongnusia Nu Lhai Nei Kim adingin huhna, panpihna sum kidonsak hi. Panpihna sum akidonvai atangkokhia pen Kitty Aye Mar Mar kici numeikhat ahihi. Ama gelhkhiatna tungtawn in:

Lhai Nei Kim pen Singapore gamsung ah innteeng nasemin aomkhat hi a, lungsim natna thuakzolo ahih manin inntung panin tuakkhia in asi ahihi. Aman hong nutsiatkhit hangin ama lunggulh atangtuntheih nadingin hanciam pihding kongzawn hi.

Lhai Nei Kim pen kum 33 aphakhin khat hi a, pasal neikhin in, tazong nih neikhin hi. Ata a upapen numei hi a, Middle School akah laitak ahihi. Aneuzaw pen pasal hi a, Primary School akah laitak ahihi.

Lhai Nei Kim pen pilna laitan aneihloh hangin, atate pilna asinding deihsak in, pilna gou pianuam ahih manin Singapore gamsung ah nasemding in abeisa kha 6 hunlai in hongtung ahihi.

Apasal pen bangmah nasep kician neimello khat hihtuak hi.

Lhai Nei Kim pen atate itlua in, asangkah nading mahmah alung himawh in sumzongding in Singapore ah hongkuankhia ahihi. Pawlkhat te genbangin Agen Puaisa agina, innteek agina tawh kituakleh hihbangin inntungpan tuakkhia hetloding hi.

Atate a itluat manin, pilna gougam apiaknopluat manin sumzongding in hong kuankhia hi a, alungkhamna puazolo ahih manin, anunung ah hihbangin inntungpan atuak hikhading hi. Athupen hoihtak aki kanciansan laitak ahihi.

Lungkhamlua in anuntakna abeilawh Lhai Nei Kim pen aman hong nutsiatkhit hangin alunggulh atate sangkahnading panpih theihzahzah tawh panpihding itna tawh kong thuumsak hi.

More: Singapore ah Myanmar innteeng khat inntungpan kiasuk dektak

Ih Myanmar gammipih akua mapeuh in panpihna sum apianuam aomleh Myanmar Club Office, Peninsular Plaza #05-42 ah February 28 ni akipan kipiathei hi.

Online panin apianuam, ATM panin Transfer abawlnuam tezong ki ngah hi. Huhna napiakzah leh namin pen SMS tawh hih Phone 97577641 ah hongzasak un. Online leh ATM panin Transfer abawlnuamte adingin DBS 017 9 103 082 Saving