Cikha zato pan nikhat sungin mi 3 in hong nusia

Cikha zato pan nikhat sungin mi 3 in hong nusia

Cikha zato pan June 3, 2021 nikhat sung bekbek in Pastor 2 leh Nupi khatin hong beisan ta

REV. PAUL GIN ZA SUAN

Pasian naseppih lawm it, Pu Gin Za En tapa, ka u Tual Za Thang tanu Sianu Cing Ngaih Lun pasal Rev. Paul Gin Za Suan in tu zingsang nai 7:00 in Topa kiangah hong tawldam san ta hi.

NU CIIN GO CING

Selbung khua panin Cikha khua a teng thak Rev. Thawn Suan Thang ii naunu Sanggam pawlpi mi Nu Ciin Go Cing in tuzing nai 9:00 in tawntung mun hong zuatsan ta hi.

REV. THAWN SUAN THANG

Tu zingsang a hong nusia Nu Cing ii u ahi, Rev. Thawn Suan Thang in tuni June 3 ni 3:00 PM in hong nusia leuleu ahih manin dah mahmahna thu kong zasak hi.

TOPA KO-IN THASAN KHAWM LAI NI

Pasian longal hih natna a vengsak thei om lo ahih manin thungetna ah phawk ciat ni. Malkuam khempeuh kidawm ciatin mask thuah leh khutsil siang ding thupi ngaihsut ni.

CIKHA, TONZANG, TEDIM, KAWLPI, Zomite i tam tenna mun tengah zong hong kizel mahmah ta ahih manin a kul mahmah lobuang vaksuk vakto lo ding, kihawh selo phot ding. Natna omna khua pan khuadang i pai leh kuaman hong thei kei zongin “Kei natna omna khua pan hing” ci-in i zintunna khuate theisak ding quarantine i lut ding kisam ding hi.

HUHNA KISAM MAHMAH LAI

Hih pen i minam sungah hong kizel thei ding dinmun hita ahih manin kumpi lam a phu thei ten phu ding, NGO lam a phu thei ten phu ding, i vekpi in piakhia a i panhuan kei leh pulpi hong tung thei ding ahih manin hanciam ciat ni, ci-in itna leh deihsakna tawh i Topa Jesu minin kong hanthawn hi. Sia Do Khup