Penang khuasung ah guahtui tamluatna hangin tuikhanggawp
Malaysia, Penang State sungah guihtui tamlua mahmah ahih manin, khuasung tuikhanggawp in lauhuai dinmun “Dangerous Level” tung cih MMOnline pan kiza hi. Zanni Thursday zanlam akipan guahzu ngekngek ahih manin, tuzingsang 4am hun akipan tui kicinggawp hi.
Adiakdiak in Penang leiniamna Sungai Pinang leh Sungai Air Itam kuamsung tengah tuitam phadiak hi. Drainage and Irrigation Department (DID) te genkhiatna ah Sungai Pinang leh Sungai Air Itam luitui te tuikhanggawp in, zingsang 9am hunpawl in 3.2 meter leh 7.3 meter bang phatota cihi. Hihzah in tuikhang ngeilo a, atampen Highest Record hita hi.
Tulaitak hih anuai a vengsung tengah tuiciim tungin, kivung zihziah cihi. Kampung Masjid, Kampung Makam, Jalan P. Ramlee, Kampung Mutiara, Jalan Langkawi, Jalan Kebun Bunga, Jalan Masjid Negeri, Kampung Masjid Hashim Yahya, Astaka Stadium, Taman Lumba Kuda, Jalan Tun Sardon, Sungai Relau, Halaman Bukit Gambir, Sungai Dua, Lebuhraya Thean Teik, Sungai Gelugor, Jalan Kampung Jawa, Jalan Ismail Hj Mat, Lembah Ria, Lorong Tampin, Kajang Road, Titi Melayu Air Itam
Tuikhanggawp ahih manin khuasung kikawmna lampi te tuidim zihziah a, lamzikpi tungah mawtaw awkcip in, Taffic Gridlock piangsak hi.
Adiakdiak in luidung tawh akinai lamzikpi te ah tui tamlua mahmah ahih manin, mawtaw te tui in tumcip a, pawlkhat tuisung ah a awkcip zong om cihi.
Related: Penang ah nikhatsung in mun 3 ah mawtaw meikang kawikawi
Zingsang 9:30am hunin Penang Island City Council (MBPP) te’n Facebook Page tungtawn in agenkhiatna ah Penang khuasung pen tui tamlua mahmahta a, Dangerous Level zong khengvalta hi ci’n pulakkhia uhhi. Penang khuasung ah aomkha lawmlegual, Zomi pihte bangciciang hita? Sawltak #zomidaily
Comment piaknop aomleh...