Cidam lohna, “Kawngnat”

Mihing te a tamzaw numei leh pasal aki et kak ciangin pasal te Kawngna tampha diak uh hi. Bang hang hiam cihleh pasal ten na ham sem in vangikte domzaw uh hi. A tamzaw kawngna cih pen ih pumpi om na manloh manleh liamma leh vangik domluatna pan hi pen hi. Ih pumpi omdan balance mansak denin exercise mantak in la zo den peuh leng hih Kawngnatna ki ngah mengmeng lo hi ci hi.

Kawngnat ciangin ih ki dop theihding bang teng om hiam cihleh na kawngguh thuaklah ding vangikte domlo ding hi.

Tuateh vangik khat peuh na domding ciangin awngsuk lo dingin tusuk phot dingin tua panin thasan dingin domto leng hoih pen hi. Na kawng pen hithei leh tangsak dinden ding hi. Lopa na bot aa, an na huan aa, nasep khat peuhpeuh na hih ciangin a nuai panin na domtoh ding ciangin na kawng tangsak ding hi. Kumtam piteek puteek te a kawnguh mamnawnlo awn uh hi. A hangin amau a khanglai in na sepna khat peuhpeuh ah a kawnghuh na tangsaklo uh ahih manin a teek uh ciangin a kawnguh na tang thei nawnlo uh hi ci hi. Sawtpi tu dingin Sawtpi ding cih zong hoihlo hi.

Vandik khat ih tawi ciangin hoihtak in pom tentan ding hi. Lumna zong anem theithei ih zatleh zong ki dawm mahmah ding hi. Ni simin exercise mantak in la den peuhleh kawngnatna tampi damsak hi.

Numei naupaai a tamzaw a kawnguh na hamtang hi. Bang hang hiam cihleh amau lam un lekzaw uh hi. Nau na paai aa, na thau ciangin na mailam gikna leh a nunglam gihna ki lekkimlo ahih manin kawngna thei hi.

Tuateh Zuu dawnlo ding, Zatep lo ding hi. Bang hang hiam cihleh tuate in guhnim te siasak hi. Na kawng sawt na nat luatleh Zato ki lak ham tang ding cih Germany research bawlten gen hi. Kawng leh ih nungzang guhte a nat mun ciangin ih khuak sunga Cell hon khat pen ki khelsak hi ci hi. Ih kuak sunga thagui neuneu te sukha hi.

Thadah aa luplupna panin zong kawngnatna ki ngah thei aa, kham theih guih theih zatna leh zasan tampi nekna hangin zong kawngnat ki pan thei hi. Mun khat peuhpeuh ah na tut ciangin tu lenglang kenla tangtak in tusitset in. Ki dopna hoihpen hi. Hih thute AWR pan leh atuamtuam in kong lak ahihi.