Kha 10 bek aphapan naupangkhat golgawp in 28kg phakhin a, ki lunghimawh mahmah

Kha 10 bek aphapan naupangkhat golgawp in 28kg phakhin a, ki lunghimawh mahmah

Mexico gamah naupang kha 10 bekbek aphapan khatpen thaulua, dawnglua mahmah in, agihna pen 28 kg (61 lb) bang phata cimawk hi. Tua naupangno ii aminpen Luis Manuel Gonzales kici a, thaulua gollua mahmah ahih manin, anuntakna lauhuai “life-threatening” dinmunbang hiphial cih AFP pan kiza hi.

Hih alamdang naupang pen anuntakna alauhuailo dingin Medical Treatment bawlkulding ci a, ahi zongin apa pen khakhatin US$200 khawngbek athalawhzo ahih manin, zatui kibawl nadingpen lunghimawh mahmah uhhi.

Asum hamsatpen thukhat hizawlai a, Doctors te’n anatna leh banghangin hizahliang in golgawp hiam cihpen theizo nailo uh a, tuapen lungkhamhuai zawlai hi.

Alimlim in Mexico gampen leitung ah naupang athaulawtgawp “childhood obestiy” leh naupang zunkhum “diabetes” anei atampen inzong aki ciamteh ahihi. Tuabang kawmkal ah Luis Manuel Gonzales akici naupangno pen thaumahmah phadiak hi.

Hih naupangno pen asuahcil in 3.5 kg bek hi a, naupang ngeina mah cihding ahihi. A sanggam pasal Mario akici khatzong asuahcil in agihna pen tuazahmah ahihi. Ahi zongin hih naupangpen khanggawp a, kum 3 aphakhin asanggampa Mario tawh aki tehkak ciangin, Mario pen neusuakgawp in mihingneu Dwarf tawh kibatlawh lianghi. (anuai a photo pen kum 3 aphakhin asanggampa in apomsawm laitak ahihi)

Luis Manuel Gonzales pen asuahcil in 3.5 kg bek himahleh khanih aphak ciangin 10kg phatota hi.

Tuazawh kha 8 sungin 18 kg khanbehto leuleu a, tu’n kha 10 bekbek phapan himahleh agihna pen 28kg tak hitamawk hi.

Hih te innkuan aomna pen Mexico, Pacific Coast State of Colima, Tecoman khuasung ah aom uh ahihi. Kum 24 aphakhin anu Isabel Pantoja ii genkhiatna ah katapa pen dawngmahmah a, ka nawitui “breast milk” hoihmahmah hiding in ka ummawh cihi.

Anu leh apa te’n nisim in kikhel ngekngek in zato ah naupangleng Stroller tawh sawnciatciat in paipihden uh a, Blood Test bawlsak tangtang uhhi.

Apa in agenkhiatna ah atapa pen thaulua mahmah ahih manin, zato apaipih ciangin Nurse te’n asigui “Vein” muzo pakpaklo uh a, tua mahmah ka et ciangin na kasa cihi.

Video: Mexican toddler weighing 28kg baffles doctors

Naupang siavuansiam Pediatrician te’n hih atapa pen Hormone Injection bawlkul khatheiding ci uh a, tuapen khatvei sutbekbekzong US$555 cimawk hi. Apa ii khakhat thalawhsum pen US$200 bekbek himawk a, hih Hormone Injection sutkhak bekbekzong apa ii khakhat thalawhsum in leizolo dinmun himawk ahih manin lungkham mahmah uhhi.

Facebook Page khat kipan uh a, huhna apianuam te’n Medical Care apiaktheih dingin Bank Account tawh tangkokhia uhhi.

Zatui lamsang siavuansiam te’n Study leh Examination atuamtuam bawlbawl uh himahleh hih naupangno pen banghang in hihzah in golgawp hiam cihpen kitheicianzo mahmahlo hi. Ahi zongin “Prader-Willi Syndrome” akici natna namkhat hang ahikhadiam kiciphot hi.

More: Mexico ah Selfie kizaihsawm nungakno nih vanleng in nawkkha in si

Naupang ngeina tawh kibanglo “Disorder” himawk a, hoihtak akimawl hakluatleh alungtang “Heart” zong sukha theiding ci a, tuaban ah akhuak leh Genital tezong sukha theiding cimawk hi.

Hih naupangno pen kha 10 bek aphakpat hangin gollua mahmah ahih manin, naupang kum 3 te adingin akikhui puante ki silhsak ciliang hi. Sawltak #zomidaily