Indonesia ah phalna omlo in gamsung meihal te thautawh kapkhuan ki piata
Indonesia gamsung ah gammei ki halden ahih manin, kumsim amau gamsung bekthamlo, agamveng ahi Singapore leh Malaysia gamsungdong ah meikhu in tuamcip in ki thuaklahden mahmah hi. Tuabang in gamsung mei amawk halhal te akitheih akimuhleh thautawh kapding hi ci’n Saturday ni in Military Official te’n genkhia cih Reuters pan kiza hi.
Indonesia, Jambi Province sung aom Forest Area sungteng ah gamsung meitawh amawk hal aomleh thautawh kapkhuan akipia ahihi. Gamsung utbang in mei akihal zelzelna hangin meikhu kithuaklah mahmah in ki naklah dekliangden cihi.
Indonesia’s disaster mitigation agency (BNPB) te genkhiatna ah abeisa kalsung in Indoensia gamsung ah Province 5 bangin gamsung meikatna hangin buaipih mahmah uh a, State of Emergency dinmun in tangkokhia uh cihi. Malaysia kumpi thunei te’nzong Indonesia gamsung ah meiphelhding in Firefighters honkhat paisak uh cih kiza hi.
BNPB te’n Indonesia kumpi, Government Branches tuamtuam tawh meiphelhding in mapangkhawm uh a, Military Unit nagawn meiphelhna ah kihel cihi.
Indoensian Media pawlkhatte’n agenkhiatna ah South Sumatra Province leh Sumatra Island tungahzong gamsung meihal aomleh thautawh kapkhuan kipia cih genkhia uhhi.
Jambi Province sung aom “Forest Fire Task Force” panin Commander Colonel Refrizal in agenkhiatna ah hihbangin thautawh kapkhuan akipiakna pen khuasung mipi te gammei hallohding in tamveipitak Warning kipiapia khinhi.
Thu kimang tuanlo ahih manin, gamsung mei halhetlohding cih khauhtak in khamcipnopna leh aki thukngaihsut mahmah ahihlam lahkhiat nopna in thautawh kapkhuandong akipia ahihi ci’n genkhia hi.
Video: Malaysia To Help Put Out Indonesian Forest Fires
BNPB spokesman Sutopo Purwo Nugroho inzong Twitter tungtawn in agenkhiatna ah Jambi Task Force te’n meikatna Area 25 Acres (10 Hectares) sungteng ah meiphelh in ki buaipih mahmah cihi. Tua Jambi Province sungteng ah abeisa kalsung in meikatna pen aki halngiat cih kithei ahih manin, kumpi thunei te aheh mahmah uh cihi.
Related: Indonesia gamsung aom Provinces khempeuh phialah IS te omding in ki ummawh
Gamsung meihalziau mawkpen lauhuai mahmah a, Zogam ahzong gamsung meihallohding kikhamkham himahleh ahal teitei pawlkhat omthei hi. Tuatezong hihbangdan in thautawh kapkhuan kipialeh bang acidiam? Sawltak #zomidaily
Comment piaknop aomleh...