Malaysia ah Bomb sukhamding bangkek in akizempa RM400 ki liausak

Malaysia ah Bomb sukhamding bangkek in akizempa RM400 ki liausak

Halloween Party ah apaiding in Suicide Bomber puantawh akithawipa kiman a, RM400 ki liausak cih theStar pan kiza hi. Tuapa pen Yemen gampan hi a, Malaysia gamsung ah IT Professional khatin aomkhat ahihi. Bomb sukhamding bangkek khatin Suicide Bomber puansilh in, kithawi gemgammawk ahih manin, mipi lauthawngsak ahih manin, mat athuak ahihi.

Tuapa minpen Amjad Jalal Ahmed Al Dahan kici a, kum 34 aphakhin khat ahihi. Thukhen zumpi ah thukhenmang Magistrate Nurul Huda Zakariya in hihpa pen mipi muhna Public Place ah Suicide Bomber puan asilhna hangin liausum RM400 aliausak ahihi.

Hihpa pen abeisa October 28 ni nitaklam 7:40pm hunpawl in Armanee Terrace Apartment sungah Suicide Bomber puansilhsa in akimu ahihi.

Hihpa adingin Lawyer asepsak khatin amawhna thuumsak in, hih Suicide Bomber puanpen Halloween Party bekah asilh hi, khialmahmah hi ci’n thuumsak hi.

Ahi zongin hih thupiang pen Malaysia gamsung ah mipi in atheih azak leh alunglut khat hi a, mailam ah mipi lauthawng nadingin kuamah agamtatloh nading “Exemplary Sentence” akipia ahihi ci’n Deputy Public Prosecutor Norazalina Razali in genkhia hi.

Malaysia ah Bomb sukhamding bangkek in akizem, mipi alauthawng sakpa kimanta

Malaysia gamsung ah Suicide Bomber bangkek in akizem, Halloween Party paiding in akithawi pasal khat ii Photo pen Social Media ah ki thehzak hi. Khuasung mipi te lunghimawh, patausak ahih manin, tuapa pen matding in aki zongzong ahihi.

Tua Suicide Bomber bangin akizempa pen amahzong khial kisa ahih manin, amahleh amah Police te tungah ki ap “Surrender” khinta cih theStar pan kiza hi.

PJ vengsung ah palik thunei ahi Petaling Jaya OCPD Asst Comm Mohd Zani Che Din in agenkhiatna ah tuapa pen zanni Friday ni in District Police Headquarters ah kiman khinta cihi.

More: London khuasung abuaisak mi 3 te’n mipi lauthawnggawp nadingin “Fake Suicide Vest” zang

Hihpa pen abeisa October khasung in Suicide Bomber puantawh Apartment sungah kimu ahih manin, Police Report akibawl hi a, tua tungtawn in akiman ahihi. “Section 506 of the Penal Code for criminal intimidation” thukhun ombang in thu kibawlding cih kiza hi. Ommawh kheltat zong kimet mello hi 🙂 Sawltak #zomidaily