Malaysia, Shah Alam ah Police te’n guta innbuluh sawm mi 2 kaplum

Malaysia, Shah Alam ah Police te’n guta innbuluh sawm mi 2 kaplum

Malaysia, Shah Alam sungah hiamtawi guta innluh mi 2 palik te’n kaplum cih theStar pan kiza hi. Shah Alam, Jalan Platinum 7/37A, Section 7 sungah Thursday zingsangtung lamin temtawi guta pawlkhat Police te’n amatsawm ciangin kinialna piangin palik te’n thautawh akaplum uh ahihi.

Hihvai tawh kisai in thunei ahi Selangor CID chief Senior Asst Comm Fadzil Ahmat in agenna ah innkhat aluhsawm guta damiah om cih hongki zaksaksim ciangin “Selangor Serious Crimes Unit (D9)” panin Officer te aphual ah ki delhsakpah cihi.

Shah Alam, Section 7 sungah Thursday zingsanglam 3:40am hunpawl in innkhat abuluhsawm guta pawlkhat om cih hongki zasak ciangin Officers pawlkhat aki delhsakpah cihi.

Police Officer te aphual ah atun ciangin guta te temta, namsau leh phiaukawi (sickle) cihbang atuamtuam hiamtawisa in innbuluh dingin na om takpi uhhi. Tuaciang in Officers te’n tua guta te ahiamtawi uh akhiatding in thupia uhhi. Ahi zongin tua guta te’n palik te’n ahiamtawi uhtawh lehdo kikdawm uh ahih manin, palik te’nzong cihnadangding omnawnlo ahih manin thautawh kaplohphamawh in tamveipi kappah uhhi.

Tua guta te sungpan in mi 2 pen aphual ah kaptuk in, sisuakpah uhhi. Adang guta khatpen taisuah uh cihi.

Tua thautawh akaptuk guta nihte pen apumpi tungah bangmah ID (Identification Document) puak neilo uhhi. Apumpi tungteng akisit ciangin phiaukawi (sickle) 9 leh namsau khat, innbuluh ciangin avanzat uh Tools pawlkhat kimukhia hi. Hih guta damiah tepen Section 6, 7, 8 sungteng ah agamtaden, innbuluh zel, damiah taihzel in aomcip te kici a, gamdangmi te hiding kici sawnsawn hi.

Video: Police shot dead two members of Geng Rantau, a crew of foreign robbers

Tuavengsung Housing Area tengah tukum kipatlam akipan guta damiah te’n inn abuluh pen 7 veibang hikhinta hi. Hih vaitawh kisai in athu akicianzaw in atheikha khuasung mipi te’n amanlang in Police Hotline 03-2052 9999 ahih keileh anaipenpen Police Station ah hong zasakpah un ci’n Selangor CID Chief in genkhia hi.

Tua vengsung ah ateeng ahi Datuk Amril Samsudin kicipa in agenna ah thauging kazak ciangin ka khanglo hi. Tuaciang in innpualam ah palik tampi omkawikawi in, guta akibeng ahihlam kathei hi.

More: Temtawi pasal khatguak in UOB Bank damiah taihin RM46,000 puakhia

Hih vengsung bekbek ahzong guta te’n inn 3 veibang luhkhin uhhi. Hih vengsung aom tezong nitak khua mialkhin peuhleh guta damiah kilau in ki patauden hi. Police te’n hihbangin guta damiah te abeiding in asep uhpen kalungdam mahmah hi ci’n genkhia hi. Sawltak #zomidaily