Australia gamsung Adelaide aom sanginn pawlkhat ah Bomb kisiah hi ci’n kilauthawng sak cih Yahoo pan kiza hi. Adelaide Secondary School of English ah sangnaupang pen gamdangmi pawlkhat “non-English Speaking” zong akah uh ahihi.
Sanginn sungah Bomb om cih aki zaksak ciangin Thursday zingsang in sangnaupang teng amanlang in ki hemkhia in, ki taikhiasakpah hi. Rostrevor College zong ki khakcip cihi.
Sangnaupang te ii nulepa tezong sms kikhak in, Emergency Lockdonw kibalw cih zaksakna kineipah hi. Ahi zongin sangnaupang leh sanginn ah nasem Staff te avekin bittak in om uh cihzong ki zaksak hi.
South Australia State sung aom sanginn pawlkhat ahzong Bomb Threat om cih kiza a, ahi zongin South Australia Police te’n bangmah genkhianuam nailo uhhi.
Akigawm in sanginn mun 4 bangah Bomb Threat ki lauthawng sakna piang cih kiza hi.
Related: Australia ah numeino khat innkuanpih te muhna ah Shark ngapi in petlum
Department for Education and Child Development te’n palik tetawh kipawlkhawm in kankhiading uh a, hihbangin sangnaupang te lauthawng nadingin abawlte gawtna, dantahna “Penalty” nasiatak in kipiading cih kiza hi. ZD Sawltak #zomidaily
Comment piaknop aomleh...