Myanmar Vice President luipa sanggamnu leh atunu Muse ah meikang in si

Myanmar Vice President luipa sanggamnu leh atunu Muse ah meikang in si

Myanmar, Shan State sung aom Muse Township sungah meikang in mi 2 si cih Irrawaddy pan kiza hi. Tua asi tepen abeisa USDP hunlai in Vice President asem Dr. Sai Maukkham ii a sanggamnu leh atunu ahihi.

Union Solidarity and Development Party (USDP) te genkhiatna ah meikatpen Wednesday ni zingsanglam ci uhhi. Meikatna innpen inndawl 2 aphakhat hi a, KBZ mini bank tawh aki zangkhawm innkhat ahihi.

Khuasung mipite genkhiatna ah tua mei akang innpen Dr. Sai Maukkham ii anaunu neihsa inn ci uhhi.

Local Fire Department te genkhiatna ah hih meikat kipatna pen Dr. Sai Maukkham ii anaunu omna lampan Electric Short Circuit piangin meikat akipan ci uhhi.

A sanggamnu leh atanu pen meikat ciangin meikhu thuaklahlua in asi uhhi ci’n Muse District administrator U Kyaw Kyaw Tun in genkhia hi.

KBZ bank’s senior managing director U Nyo Myint in agenkhiatna ah KBZ mini bank lampan in bangmah siatna, supna omlo ci uhhi.

More: Myanmar, Shan State, Laukkai khuasung kikapna hangin mi 30 val si

Dr. Sai Maukkham pen 2012 panin 2016 sungteng President Thein Sein ii makaihna nuai ah Vice President asem ahihi. ZD Sawltak #zomidaily