Numei kum 18 aphakhin khatin ama numei sianthona “Virginity” zuaksawm
Pasal tawh alumkhawmngei naivetlo numei te ii sianthona pen “Virginity” kici hi. German Media te genkhiatna ah numei khatin ama Virginity pen kazuakding ci’n genkhia cihi. “Hello, my name is Kim and I would like to sell my virginity.”
Tuanu minpen Kim kici a, kum 18 phakhin, atun asanna pen 5ft 8in ahihi. Amahpen German leh Austrian kahbia ahihi. Virginity azuaksawmna ahangpen tuapan in angah sumte tawh Germany ahih keileh Austria gamsung ah sang kahding, mawtaw leiding, inn leiding cihpen ama ngimna ahihi.
Cinderella Escorts kici Agency tungtawn in ama Virginity pen Auction tawh zuakding a, angah zahzah ii 20% pen Agency in ngahding cihi. Auction pen £86,640 (US$112,475) tawh kipanding a, tam apiapenpen kizuakding cimawk hi. Hih Cinderella Escorts Agency panin Virginity akizuak ciangin numei te Virgin taktak ahihleh ahihloh “Doctor’s Certificate” kisamsak uhhi.
Abeisa in Aleexandra Khefren kici kum 18 aphakhin Romanian Model khatinzong ama ii Virginity hihna pen zuakngei a, £2million (US$2,596,390) tak khawngmawk hi. Hong Kong pan amin aki pulaknuamlo Businessman khatin alei kici hi.
Tuathu pen leimongdong zelin hongki thehthang ciangin Kim inzong nazakha in, amahzong Virginity zuakding ngaihsutna anei cimawk hi.
Kim in Auction tawh Virginity azuakna ah sumtam apiapenpen ka leisakding a, koimun koigam ah ahi zongin vanlengsaap “tralvel expenses” teng hongkisik nakleh Virginity zuakding in kapaiding ciphinphen lel hi.
Aleexandra Khefren in 2015 kumin ama Virginity zuakding akhentat ciangin a innkuahpih te’n thukim hetlo uh a, tuabang in nazuak peuhmahleh innkuan hinawnloding hihang ci’n genpah uhhi.
Virginity pen US$2,596,390 takbang kikhawngthei ahih mawkleh zuaktaak mahmah hi. Pasal khatpeuhtawh kingai lengzong hong teenpihsuak taktaklo in, Virginity suplawh banah anunung ah hong nusialel theilai hi.
Amasa penpen pasal tawh omkhopziau dingpen US$2,596,390 tak ki ngahtheiding ahihleh kua’n paisan ngamding ahihiam ci’n Aleexandra Khefren The Star te tungah genkhia ngei cihi.
More: RM3000 tawh a tanu ii Virginity azuaksak Malaysia nupinu kum 6 thong kiading
Aleexandra Khefren ii apapen palik khat hisawnsawn in, anuleh apa in phatvetlo himahleh nulepa thugen mangnuamlo in, kei pumpi keima neihsa hi cimawk in, ama Virginity pen kizuak veve cimawk hi. Leitungbel alamdang himawk ei… ZD Sawltak #zomidaily
Comment piaknop aomleh...