Johor Baru datsisai sungah pasalkhat adawtlum mi 4 te kuahiam cih kitheita

Johor Baru datsisai sungah pasalkhat adawtlum mi 4 te kuahiam cih kitheita

Malaysia, Johor Baru datsi zuakna khatah zanni Sunday nitaklam in pasal khat ki dawtlum a, tua akidawtlup laitak Video pen zanni akipan tudongmah Social Media ah ki thehzak in, Viral gawp hi. Johor Baru, Taman Pelangi aom Petrol Station khatah thupiang hi a, tua adawtlum mi 4 tepen kuahiam cih kitheita cih theStar pan kizakbeh hi.

Palik ulian ahi Johor police chief Comm Datuk Mohd Khalil Kader Mohd in agenna ah tua adawtlum mi 4 tepen kuahiam cih kitheicianta a, tulaitak Police te’n matding in alimzonsan mahmahlaitak hi ci’n Statement ah genkhia hi.

Asipa ii aluanghawm pen zato ah kipuak in, Postmortem kibawlsak hi. Tuapan in Forensic te genna ah asihna ahangpen temtawh akidawtna hangin alungtang sukha in asi hi ci’n genkhia uhhi.

Aki dawtlup laitak Video akizaihna sungah BMW mawtaw khattawh adawtlum te taikhia uh a, ataikhiat laitak in Car Registration Number pen dawtvalval hi. Ahi zongin tua Car Plate Number WB79L ci’n adawkpen ataktak hilo, Fake Registration Number cisawnsawn hi.

Ahi zongin Police te’n tua mawtaw anei, Original Owner pen ki kankhiathei khin a, Car Registration Number ataktak zong kitheikhin cihi.

Asipa ii mawtawzat pen Volkswagen Polo khat hi a, Petrol Station ah mawtawpei Tyres te Checking bawlding in akhawlsak laitak in aki dawtlum, mawtaw tawh aki taihlum ahihi.

Video: JB petrol station murder: Four suspects identified

Asipa ii aluanghawm pen ameltheih tanau te’n tuni Monday zingsanglam in Hospital Sultan Ismail ii misi koihna Mortuary pan lakkhiattheih nadingin vaihawm uh cihi. Zingsang 10am hunpawl in Mortuary maiteng ah meltheih tanauteng kituah in ngak uh a, tualak ah azi ahiding in aki ummawh, puanvom asilh numei khatpen kapkapmai hi.

Tuabang in aomlaitak Media te omkawikawi cih akitheih ciangin adang numeikhat in mortuary security guard te hopihin, tua misiluang koihna huangsung panin Reporters te hawlkhiasak uhhi.

Asipa pen kum 44 aphakhin khat hi a, aminpen “Ah Chiu” cih kiza hi. Amin pen Ah Chiu himawk ahihleh Chinese National khat hikhading hi.

Hih buaina apianlaitak ageinai panin amukha Witness khat ii genna ah hih kitotna pen akitawng mawkmawk kasa a, hihbangin mihing khatin anuntakna beilawh liangding in ka ummawhkha hetkei hi ci’n genkhia hi.

Petrol Station ah nasem te’nzong agenna ah numei khatin Mandarin kampau tawh a awngzakzak kaza a, adendeuh ciangin apuakkham agingdam khatzong kaza cihi.

More: Malaysia, Perak ah Myanmar gammi Biak Sang Nawi ki thatlum

Tua apuakkham pen mithatte’n mawtaw tawh apaikhiatding ciangin losan “firecracker” alotphei uh hi a, Video sungah amukha te’n Bomb apuakkhamding sa uh a, lauthawngman mahmah uhhi. Tulaitak palik te’n hihvai alimkan mahmah laitak hi a, asawtlo in Update kizakik khading hi. Sawltak #zomidaily