Malaysia, Gombak kuamsung ah palik te’n migilo mi 3 thautawh kaplum
Malaysia, Gombak District sungah palik te’n migilo 3 thautawh kaplum cih NST pan kiza hi. Tua migilo “Criminal” tepen Jalan Hulu Yam Baru – Batu Caves lampi tungah mawtaw tawh ataisuaksawm uh hi a, Police te’n High-speed tawh 10km sungkhawng adelhkhit ciangin thautawh aki kaplum ahihi.
Hihvai tawh kisai in thunei ahi Selangor Criminal Investigation Department chief Senior Assistant Commissioner Fadzil Ahmad in agenkhiatna ah migilote pen Suzuki Shift mawtaw khattawh Bandar Baru Selayang ah kimukhia ahih manin, Police te’n matding in adelh uh cihi.
Tua migilo te tuanna Suzuki Shift mawtaw pen zanni Friday nitaklam in Bandar Baru Selayang Commercial Area sungah kimukhia masa in, tuaciangin 6pm hunpawl in Gombak Police Officers te ki zasaksawn cihi.
Tuaciangin Police te’n tua mawtaw gei ah nehphei in, thusitna aneihsawm uhciangin tua mi 3 tepen thakhatthu in mawtaw hatsak mahmahin taimang vingveng uhhi. Tuaciangin Police te’nzong sulzuihpah uh a, nitak 6:45pm hunpawl in tua migilo te manding in a mawtawzat uh khawlsakthei uhhi.
Mawtaw akhawlkhit ciangin tua migilo te mawtaw sungpan in akumkhiat nadingin palik te’n thupia uh himahleh, migilo te’n thau tawh palik te kapmasa uhhi.
Tuaciangin palik te’nzong amauleh amau akidalnakawm in tua migilo te kapkik uh a, athum un akaplum uh ahihi ci’n Press Conference ah CID thuneipipa’n genkhia hi.
Video: 3 criminals shot dead in Hulu Yam Baru after high-speed chase
Hih migilo te ii apumpi tungah ID bangmah pualo uh ahih manin, migilo tepen amin apuam kitheilo hi. Ahi zongin kum 30 leh 40 gualpawl hi uh a, Selangor kuamsung tengah tukumsung damiah ataih kawikawi te hiding in ki ummawh hi. Selangor sungah tukumsung in damiah 86 veibang omkhin a, supna RM 8 Million bang piangkhin cihi.
Tuaban ah Kuala Lumpur leh Negri Sembilan sungah gitloh gamtatna Crime tuamtuam abawl tetawhzong kizopna omding in ki ummawh cihi.
More: Malaysia, Shah Alam ah Police te’n guta innbuluh sawm mi 2 kaplum
A mawtawzat sungpanin Beretta .22 Pistol khatleh temta namsau 2, vanpawlkhat ki mukhia hi. A luanghawm te uhpen Kuala Lumpur Hospital ah kipuak in Postmortem kibawlding cih kiza hi. Nungdiak inzong Malaysia, Shah Alam vengsung ah palik te’n guta innbuluhsawm mi 2 kaplum uhhi. Sawltak #zomidaily
Comment piaknop aomleh...