American Singer “Ariana Grande” in Manchester ah Concert abawl laitak puakkham, mi 19 si, 50 liam

Ariana Grande kici minneinu pen American Pop Singer leh Actress minthang mahmahkhat ahihi. England, Manchester sungah Ariana Grande in Concert abawl laitak apuakkham om ahih manin, mi pawlkhat asi aliamzong omding cih Fox News pan kiza hi.

Police Statement aki khahkhiatna ah Machester Arena ah apuakkham om ahih manin, Emergency Services te’n aphual ah abuai mahmah laitak uhhi. Asi aliam zong pawlkhat om cih kiza hi. Hihphual teng kuamah in nanawk kei un, athu akician in hongki zasakkik dinghi ci’n genkhia uhhi.

Monday zanlam 10:45pm hunpawl in Concert kibawlna ah aginngaih mahmah apuakkham nihvei kiza cihi. Banghangin hihbang in aphuakkham omhiam cihpen ki theician nailo hi.

Spokesman Joseph Carozza in agenkhiatna ah Ariana Grande pen “Dangerous Woman” kici World Tour ah lasa in aom laitak hi a, amahpen bangmah liamna omlo cihi.

Hih Concert pawipi sungah aom pawlkhat in agenkhiatna ah mipi pen apuakkham akizak ciangin ki patau mahmah in, kiphugawp in apualam ki pusuak ngeingai cihi.

Video: Manchester Incident Eyewitness: “Everyone was charging towards the doors” – BBC News

Concertgoer Sasina Akhtar kici khatin Manchester Evening News te tungah agenkhiatna ah Ariana Grande in alasak nunungding asakkhit phetin apuakkham om a, mite kugawp in gamlum henhan cihi. Numeino khatzong aliam sitawh akidim khat kamu cihi. Meikhu zong tampi kamu ci’n genkhia hi.

“Dangerous Woman Tour” kici pen Ariana Grande ii Concert Tour athumveina hi a, “Dangerous Woman” cih Studio Album panpih nadingin abawl kici hi.

Reuters te genkhiatna ah Manchester Arena ah puahkhapna hangin mi 19 si in, adangzong mi 50 liam ci uhhi.

Related: England gamsung ah Accident hangin mawtaw 40 val ki phukha

England, Manchester panin Europe gamsung muntuamtuam ahi Belgium, Poland, Germany, Switzerland, France cih gamte ah zinsuak kawikawiding geelna aom ahihi. Summer hunsungteng in Brazil, Chile, Argentina, Costa Rica, Mexico, Japan, Thailand, the Philippines, New Zealand, Australia cihte ahzong zinkawikawiding cih kiza hi. ZD Sawltak #zomidaily