Thailand, Phuket Airport ah pasalkhat aguaktangin om, a ektawh mi densawm

Thailand, Phuket Airport ah pasalkhat aguaktangin om, a ektawh mi densawm

Thailand, Phuket vanlengtual sungah pasal khat bangmah silhvetlo, aguaktang in vakkawikawi ahih manin, palik te’n mankhia uh cih The Nation pan kiza hi. Abeisa Thursday ni in Phuket International Airport sungah thupiang hi a, Video Clip zong Social Media ah ki thehzak hi.

Tua aguaktang in avak kawikawipa pen American Passport atawi khat hi a, ahi zongin South Korea gammi ahihi. Amahpen kum 27 aphakhin khat hi a, abeisa Thursday zanlam 11:30pm hunpawl in Phuket International Airport sungah apuansilh teng khempeuh avek in asuahkhia cihi.

Amahpen Thai gamsung Phuket International Airport panin South Korea, Incheon International Airport azuanding in vanlengtual ah aom ahihi.

Vanlengsung alutma in Passenger Screening Point bawlna nunglam aom dailenbuk “Toilet” mai ah aguaktang in akimu ahihi. Aguaktang in midangte lakahzong vakkawikawi ahih manin, Airport Security Guard, Saku Police Officer, Tourist Police Officer, Airport Tourist Center nasemte cihteng in buaipih mahmah uhhi.

Tuapa pen aguaktang in avak kawikawi ciangin thunei te’n akhawl, adaih nadingin hanciam uhhi. Ahi zongin tuapa pen sualtungah ektha in, tua a ekte tawh Officer te densawmmawk ahih manin buaihuai semsem hi.

Tuaban ah Airport sung aom vanzuakna pawlkhat te ii neihsa tezong suksiatsak cihi. Tuabang in amawk vakkawikawi ciangin thunei te’n Passenger midangte adingin lauhuai leh nawngkaisak cihtawh akiman hi ci’n Phuket International Airport thunei te’n genkhia uhhi.

Tuapa pen aki matkhit ciangin alungsim adaihzawk deuhciang in thusitna kinei hi. Banghang in hihbang in guaktang in vakkawikawi hiam cih akidot ciangin “Viagra Pill” kici pasal te anuailam tha hatsakna zatui tamnekluat ahih manin, alungsim mannawnlo, khua phawklo in aguaktang in avak kawikawi cih ki theikhia hi.

More: Singapore ah numeikhat aguaktang dekin lamlam ahih manin kiman

South Korea gamsung azuanding kimlai, vanleng ki Cancel sak in, Saku Police Station ah kikem hi. Airport sungah asuksiat vankisia tezong asum ka lohding hi ci’n genkhia hi. Tuapa pen zato ah kipuak in, zatui akibawl kulding hi ci’n thunei te’n genkhia hi. Sawltak #zomidaily