Japan lasiam minthang mahmah numei khat abil in khua zanawnlo

Japan lasiam minthang mahmah numei khat abil in khua zanawnlo

Japanese Pop Star minthang mahmah khat ahi Ayumi Hamasaki pen abil alangnih in khua zanawn vetlo cih Straits Times pan kiza hi. J-pop Star Ayumi Hamasaki pen Japanese Solo Artist lakah “Best-selling” ahiden, akideih mahmah numei lasiam minthang mahmahkhat ahihi.

Ayumi Hamasaki pen 2008 kum akipan aveilam abil in khuazalo cihi. Tuakhit ciangin ataklam bil inzong khua azakdan damdam in kiamsuk semsem hi.

Ayumi Hamasaki pen kum 38 aphakhin khat hi a, tukum kipatlam akipan Concert Tour azinma in alung amcip in, aluakkhawng suakthei cihi.

Abeilam bil in khua azakloh akipan ataklam bilbek tawh lasak nasem in Concert Tour akisapna te ah azin kawikawi ahihi. Ahi zongin ataklam bilzong azakna “Hearing Tests” abawl kawikawi ciangin kiamhanhan cihi.

Concert bawlding in akisinciang Rehearsal Studio sung nangawn ah sawtpi omtheilo in, aluak suakin Restroom ah taikhiat pahpahkul hi. Abil in khua hoihtak zanawnlo ahih manin, alung amsak in lamzong tangtak in paitheilo cihi.

Tu’n abil alangnih in khua zanawnlo cih akitheih ciangin bangci bangin la kasanawn mawkdiam, khuamial sungah aki bilhcip bangmawk ing ci’n genkhia hi.

Video clip khat: Ayumi Hamasaki 浜崎あゆみ – A Song for xx english /romaji Lyrics (2015 Tour)

Abil khuazakloh akipat pen 2000 kum Concert Tour azinlai in akipan ci a, khuasik in damlo a, tuapan in abil sungah Infection lut cihi.

Doctors te’n abil dopbawlding, agin ngaihlua tepan kihemding cih agen hangin lasak khualzin nadingin ageelsa tampi om ahih manin, khawlbawl tuanlo in Concert Tour zinkawikawi veve hi.

Tuabang tengtawh 2008 kum ciangin aveilam abil in khua zanawnlo mawk hi. Tu’n abil alangnih in khua azakloh hangin Stage tungah mipi te lasakna tawh Performing bawlveveding ci’n genkhia cihi.

More: Japan numei khat kum 80 aphakkhit ciangin “Porn Actress” nasep tawlnga ta

Stage tungpen ka nasep hi a, tuabekmah kei hihna taktak kalahkhiat nading mun ahihi. Adang kasepding theilo hi’ng ci’n Japanese Entertainment Site khatah gelhkhia kici hi. ZD Sawltak #zomidaily