Australia Bus meikatna pan Passenger te ahonkhiapa pahtawina kipia

Australia Bus meikatna pan Passenger te ahonkhiapa pahtawina kipia

Abeisa October khasung in Australia, Brisbane ah Passenger khatin Bus Driver pa meitawh hawllum hi. Bus Driver pa ii tutna ah meikuang lawnphei ahih manin, Bus tungah atuang Passenger te amailam panin pusuak theilo in, asung ah a awkcip laitak in Taxi Driver khatin Bus nunglampan in kongkhak na honsakthei ahih manin, Passenger te suakta uhhi. Bus Driver pa ahihleh meikang in sihlawh hi.

Tuabang in Pasenger te cihmawh laitak ahonkhiapa pen Aguek Nyok kici minnei khat hi a, amahpen Taxi hawl nasep tawh nuntakna azongkhat ahihi.

Hih Bus meikuang amuh ciangin alung himawh in, Passenger te na panpihthei ahih manin ama hangin Passenger 11 in suahtaklawh uhhi.

Hihbangin Passenger te ahonkhiapa pen kumpi te’nzong pakta mahmah uh a, Taxi Council Queensland panin “Taxi Hero Award” cih pahtawina pia uhhi.

Pahtawina a ngahban ah Gold Coast ahzong khualzin theihna kipiading a, tuamun ah mawtaw tamman mahmah Luxury Car khat Weekend sung zangkhading cihi.

More: Australia ah Passenger khatin Bus Driver pa meitawh hallum

Aguek Nyok in agenna ah hihbang in pahtawina ka ngah cihpen upzo taktak naikei phial ing ci’n genkhia hi. Taxi Driver nasep pen nasep hoih khatin katuat hi, adiakdiak in mitawh kimu in naki kholhnop leh nopmahmah kasak khat hi ci’n genbeh hi. ZD Sawltak #zomidaily