Algeria gamsung ah vanleng khat kia, mi 257 takin sihlawh

Algeria gamsung ah vanleng khat kia, mi 257 takin sihlawh

Algeria gamsung ah vanlengkhat kia in mi 257 si cih Fox News pan kiza hi. Tua vanleng pen galkap vanleng “Algerian Military Plane” khat hi a, vanlengtual panin alengkhiatzawh asawtlo in akiasuk hi ci’n Officials te’n genkhia hi.

Algeria’s Defense Ministry te’nzong hihvai tawh kisai in Statement khat khahkhia uhhi. Tuasung ah vanleng kiatna hangin Passenger bekbek mi 247 leh vanleng sungah nasem Airline Crew mi 10, akigawm in mi 257 sihi ci’n pulakkhia uhhi.

Tua vanleng sungah atuangte pen atamzaw galkap leh galtak te ii meltheih tanau vive ahi uhhi.

Vanleng akiat laitak Video Clip tomno leh Photo tuamtuam ki khahkhia in, vanlengpen ki tamkham in limsiat mahmah, mulkimhuai mahmah hi.

Vanleng sungah atuang te ii aluanghawm pen akitawmthei teng kikhawm in, Ain Naadja Town sung aom Algerian Army’s Central Hospital kici galkap zato khatah kipuak hi. Misi te ii amel apuam hoihtak kithei cianloliang ahih manin, tua zato panin sitcianna neiding uhhi.

Pawlkhat Passenger tepen vanleng datsi tawh limkatlua mahmah uhhi ci’n Civil protection agency spokesman Farouk Achour in genkhia hi.

Vanleng akiat akitheih ciangin ahuhding in Emergency Workers bekbek akigawm in mi 300 val bangin aphual ah delhpah ngeingai uhhi.

Video: At least 257 people were killed Wednesday when a military plane crashed shortly after takeoff in Algeria, officials said.

https://twitter.com/PressTV/status/983978070104313856

Hih vanleng kiatna munpen Algeria gam ii Capital khuapi ahi Algiers City panin tai 20 miles agamlakna ah akia ahihi. Akiatna munsan pen Boufarik Air Base kici hi.

Algerie Presse Service Agency te genkhiatna ah hih akia Algerian Airline pen Soviet-designed Il-76 vanleng khat hi a, Southwestern Algeria aom Bechar City zuanin alengkhiatzawh asawtlo in akiasuk cihi.

Tunai Algeria gamsung ah vanlengkia ahuaisia mahmahpen hibek hilo in, nunglamdeuh inzong khatvei hihbangin ahuaisia vanlengkia omngei khinhi.

More: Galkap vanlengkia ii ameilam “Tail Section” ki mukhiata, misiluang zong 90 kimukhin

Tuapen 2014 February khasung hi a, Eastern Algeria gamsung ah galkap vanleng “Military Plane” khat akia ahihi. Tua vanleng akiatlai inzong mi 77 takin sihlawh uhhi. Tua asi tezong galkap “Armed Forces” te leh amau ii meltheih tanau te mah ahihi. Sawltak #zomidaily