ZAM Thupuak :: 24 September 2017 (Zomi League 2017 kipan tading)

ZAM Thupuak :: 24 September 2017 (Zomi League 2017 kipan tading)

ZOMI LEAGUE 2017 KIPAN TA DING: Zomi League pen 27-28 September 2017 (Wednesday leh Thursday) ni-in Komplek Sukan Pandamaram-Klang ah kimawl ta dinghi. Tukum Zomi League ah pawlpi (6) kihel thei hi. Tua pawlpi te pen (1) ZCF-Canaan, (2) ZEM, (3) MMC, (4) MLPP, (5) ZCCM leh (6) ZCA te ahi uhhi. Kimawl  hun ding pen zingsang nai 8 ta in kipan ding hi. Zomi Leauge kimawlna tualpi ah zuu zuak a om leh kumpi thunei te tungah ki ap pah ding hi.

ZAM ZUM AH HONG HAWH : Even. Thang Khan Thawn – Ngennung, Ngennung Tuiphum Pawlpi in Malaysia hong hawh sungin ZAM zum ah hong hawhin thungetna hong neihsak ahih manin kilungdam mahmah hi. Topa’n thupha hong piaksak semsem ta hen.

ZAM ZUM AH HONG HAWH : Sripetaling Myanmar Christian Assemble pawlpikem Sia Langh Za Mung @ Sia Mungpi  leh alawmte ZAM zumah hong hawhin thungetna hong neihsak ahih manin kilungdam mahmah hi. Topa’n thupha hong piaksak semsem tahen.

ZOMI BUP KHUADO PAWI AH MAPANG KHAWM NI :: Zomi Ngeina Khuado Pawi limtak a bawl dingin thukimna kinei hi. A mun Zomite Khuado Hall, Chin Woo Stadium mah kipsak hi. Khuado pawi nasiatak i bawl nadingin sum leh pai tampi hong kisam ahih manin muanna leh lametna lianpi tawh Khuado Committee in anuai a bangin mapang khawm dingin kong zawn uhhi. 1. Khua kipawlna pan RM200 pan atungsiah, 2. Biakna pawlpi khat ciang RM300 pan a tungsiah leh Khuado ni dingin 16 October 2017 (Monday) ni ki kipsak hi.

Zomi te kumkhen Khuado pawi ah Malaysia leitang tung a om Zomite khempeuh khatzong pelhem lo a, i kihel kim theih ding deihna tawh kong theikhol sak uhhi. Tua sung ah Zomite maban ding thugenna, Zomi Idol Malaysia 2017, Laam tuam tuam, Fashion Show leh Lucky Draw te a kipan kivakna/talent show tuamtuam zong om ding ahih manin khua hun sia leh thusia tuamtuamte tawh kipelh na dingin thungen ciatni. By: Khuado Committee 2017

LUNGDAM KOHNA – KHUADO PAWI PANPIHNA PIA TENG: I khuado pawipi adingin mapang khawm Khua kipawl na leh pawlpi te tungah genzawhloh lungdamna I pulak hi. Ki lungtuak in mapang khawmin I sepna in nalianpi hongsem sakzo hi. Zomi Khuado pawipi ading I vekin thungen khawm ciat ni.

RM 300 tawh mapang khawm teng

1. Zomi Catholic Community-Malaysia (ZCCM)2. Zomi Innkuan-Rawang3. Myanmar Believers Fellowship  Pawlpi (MBF)4. Zomi Ebanezer-Malaysia  Pawlpi (ZEM)5. Zomi Christian Fellowship-Kajang (ZCF-Kajang)7. Zomi Christian Fellowship– Canaan (ZCF-Canaan)8. Malaysia Laipian Pasian Pawlpi (MLPP)9. Zomi Christian Assembly (ZCA)10. Zomi Adventist Church11. Zion UPC –Kepong12. Shalom Christian Fellowship-Kota Damansara13. Khenman Khua Kipawlna14. ZCF-Kota Damansara15. Manna Zomi Christian Church (MZCC)

RM 200 tawh mapang khawm teng

1. Thalmual Innkuan Malaysia 2. Darkhai Unau-Malaysia 3.   Mualpi Innkuan– Malaysia 4. Haupi Khua kipawlna 5. Vongmual Khua Kipawlna 6. Tuithang Innkuan-Malaysia 7. Limkhai Bung Khua Kipawlna 8. Saipimual Khua Kipawlna 9. Zung Khua Kipawlna 10. Cikha Innkuan Malaysia 11. Buanli Khua Kipawlna 12. Mualnuam Khua Kipawlna 13. Chanthagyi Khua Kipawlna 14. Taaklam Innkuan Malaysia 15. Ngalbual Khua Kipawlna 16. Suanghoih Khua Kipawlna 17. Saizang Khua Kipawlna 18. Tuimui Khua Kipawlna 19. MZYA(Malaysia Zozang Youth Association) 20. Dimpi Khua Kipawlna 21. Kansau Innkuan 22. Sezang Vontawi-Malaysia 23. Anlangh Khua Kipawlna 24. Selbungh Khua Kipawlna 25. Laaitui Innkuan-Malaysia 26. Pyidawtha Innkuan-Malaysia 27. Zomi Christian Fellowship—Dengkil (ZCF– Dengkil)28. Phaiza Khua Kipawlna 29. Cingpikot –Keizang Khua Kipawlna30. Malaysia Tedim Suangpi Innkuan31. Heilei Innkuan Malaysia32. Malaysia Tungzang Innkuan33. Vaivet Khua Kipawlna34. Ngalzang Innkuan Malaysia35. Mualkawi Khua Kipawlna36. Lailui Innkuan Malaysia37. Suangsang Khua Kipawlna38. Mualbeem Innkuan Malaysia39. Singzung Khua Kipawlna40. Tuisau Khua Kipawlna 41. Tuivial Khua Kipawlna42. Dimlo Khua Kipawlna43. Lalta Khua Kipawlna44. Singgialzang Khua Kipawlna45. Tuitangzang Khua Kipawlna46. Teeltui Von Innkuan-Malaysia (TIM)47. Phaileng Khua Kipawlna48. Mualzang Khua Kipawlna49. Suangzang khua kipawlna

RM 100 tawh mapang khawm teng

1. Bapi Khua Kipawlna2. Teeklui Khua Kipawlna3. Tungtuang Khua Kipawlna4. Paangzaang Khua Kipawlna5. Manna Myanmar Christian Fellowship(MMCF)6. Tualzang Innkuan7. Tuicinlui Innkuan-Malaysia8. Lamzang Khua Kipawlna9. Buan Khua Kipawlna10. Ngennung Khua Kipawlna

RM 150 tawh mapang khawm teng 1. Tauleng Khua Kipawlna

ZOMI IDOL 2017: Zomi Idol kidemna 20-09-2017 (Wednesday) ni in kipan a Top 20 kitel khia hi.

ZAM FREE CARD KINGAH LAIZAM in kumsim a man ngenlo in Malaysia Zomi khua ki pawlna makaipite leh pawlpi kem Pastor te leh ZEC sangsia khem peuh in ZAM zum ah September 30  ni dong, nisim 9:00am-6:00pm in ZAM Free Card kibawl thei lai hi. Khua makai leh Pawlpi siate in nong bawl nadingun ZAM zum pan zahtakna lianpi tawh kong zasak uhhi.

SEPTEMBER KHA BEI MA IN HONGPIA UN: Tukum May kha lai in ZAM pan tangkona tawh kizui in ZAM zumah min sazian hong pia kha manlo ten 17 August 2010 ni ma-in UN card ngah napi in tudong ciang RST a phi nai lo te, RSC Department tawh a beisa kha (6) sung kizopna nei loin Phone No. laih na pi in UN zum ah a laih to man nailo te in September, 2017 bei ma in ZAM zumah min sazian nong piak nangun kong zasak uhhi.

NA UNHCR TANGTHU LIMTAK THEITEL INUNHCR zumpiah appointment na neih leh na tangthu limtak theitel,encian in, UN ten limtak ciapteh a hih manin nagensa khempeuh na mangngilh loh nading hoihtak kem in.

ZATO LAM TAWH KISAI Contact : Sia Khuppi 016 3838 014, Sm CiiCing 011  1282 8482

Kimat kihen na tuahkhak leh: Malaysia a om Zomi te kimat kihen na tuahkhak uh leh Contact Sia Tuangpu: 016 254 4093, Sia Go Mang: 018 202 1216

THONG LAM BUAIPIH TENG :: 1.Thang Sian Muang (Tauleng) Sungaibuloh thongah om in kibuai pih a, Jalan Duta Mahkahmah pan hong suakta thei hi.

ZATO VAI BUAIPIH TENG

1. Vung Ngaih Lian –Salzang, Ampang Hospital2. Meng Meng- Dawei, HEI-Clinic3. Do Za Tung – Thalmual, IPR Hospital4. Kam SuanLun Mung-Vanglai, UKM Hospital5. Khup Thawn Ding – Ngalbual, HKL Hospital6. Muan Kim (Bapi)  Ampang Zatopi ah ki buaipih

Thupuak PDF File

ZOMI TE A DING NASEP

STORE KEEPING : Khasum RM1300-1500 kikal, Nasep hun nai 8 sung. Omna pia ann pialo. UN card nei hi ding.Amun : Sri Rampai

LUNGDAM KOHNA 1. Langh Sian Tung (Phaileng) RM50Panpihna hongpia khempeuh tungah gen zawhloh lungdam na lianpi ZAM pan kong tangko uhhi. Topa’n Zomi te adingin mapang zo semsem dingin thupha hongpia tahen.