Aki lawhthei natna hangin Mualbem khua sanginn kikhakphot

Aki lawhthei natna hangin Mualbem khua sanginn kikhakphot

Tedim Myone, Mualbem khua ah ihzaksasa mahbang in aki lawhthei natna namkhat hangin sangnaupang te sang kikahsaklo in sanginnpi kikhakcipphot cih Chin World pan kiza hi.

“Tulaitak sanginn kikhakcip phot hi. Maikalsung hileh aki hongkikzo tading in lamen ung” ci’n Mualbem khua sang Siama khatin genkhia hi.

Hih natna pen tudong bangnatna, amin cihte ki theician nailo a, August 01 ni akipan tudong aki cinato suaksuak ahihi. Mualbem khua ah sangnaupang mi 319 aomlak ah mi 190 bang hih natna kilawh in cina in om uhhi.

“Hih natna pen တုပ္ေကြး kici Flu nam hi a, huihdikna panin akilawh hiding hi. Hih natna pen akipatna sangnaupang numei khat panin hongkipankhia hi a, tuapan in sangnaupang numei pasang akilawh kawikawi ahihi. Naptui luangin, hatchai in khuh henla hileh akiim apam a omte lawhpahpah hi. Hih natna pen kilawhbaih mahmah hi” ci’n တီးတိန္ၿမိဳ႕နယ္ေဆးရံုအုပ္ ေဒါက္တာ ေအာင္ေက်ာ္ႏိုင္ in genkhia hi.

Tulaitak cina te ii asi kila in, Yangon ah Laboratory akipuak laitak ahihi. Hih Flu natna pen aki nana ngeimah hi a, ahi zongin tutung Flu pen khatlehkhat kilawhgawp ahih manin, natna lungno bang kihel hidinghiam cih theihcian nopna tawh Yangon zatopi ah si akisitsak ahihi. A Result pen kal khat pan khakhat bang ziakaithei ci’n Doctor Aung Kyaw Naing in genbeh hi.

Mualbem khuasung aom cina te pen Hakha, Falam, Tedim, leh Kawlpi panin Siavuan Siamah te’n zatui zaha bawlngeingai uh cih kiza hi. ZD Sawltak #zomidaily

Zomi khatpeuh in thuthak atheihlawh dingin lamen hang. Zomi Daily ah nonghawh zelzel manin lungdam mahmah hi!