Gamtuamtuam ah ganhing khawina akipai ciangin ganhingte pen sikngen sungah ki umcip in, mi te in apualam panin en uhhi.
Sen gam Chongqing City aom Lehe Ledu Wildlife Zoo akicihna ah ahihleh ganhing ending in apai mi te pen mawtaw sungah ki kalhcipzaw in, ganhing te’n apualam panin enzaw uhhi.
Hihbang in abawlna uh ahangpen ahihleh gamsa te bangci bangin gamta cih naitak in muhtheih nading ci uhhi. Tua ahih manin gamsa te anai theithei ah apainop nading un mawtaw tungah gamsa te duh phadiak sasial tuamtuam abakbak in khai uh a, gamsa te’n mite omna ah vazuan in vane uhhi.
Hih Zoo pen nungkha in aki hongpan ci a, mipi lunglutlua mahmah ahih manin, alutnading Ticket pen April khadong ki leisiangkhin cizawzen hi.
Zoo Spokeswoman Chan Liang in agenkhiatna ah “Ka Visitors te uhpen gamsa tetawh aki naithei penpen in omsaknuam kahihman uh ahihi. Bangmah launading omlo hi” cihi. Ahi zongin khume kheme te sikngen pualam ah dawksak hetlohding limvaikhak mahmah uhhi. ZD Sawltak
Comment piaknop aomleh...