Afghanistan, Kabul ah Suicide Bomb puakkham in mi 4 si, adang mi 8 liam

Afghanistan, Kabul ah Suicide Bomb puakkham in mi 4 si, adang mi 8 liam

Afghanistan khuapi sungah zanni Thursday ni in Suicide Bomb puakkham a, mi 4 si cih AFP pan kiza hi. Hih Bomb apuakkhapna munpen Shiite kici Islam te biakinn Mosque khat ah apuakkham ahihi.

Tulaitak pen Islam biakna te ii antan hun “Holy month of Ramadan” laitak hi a, Muslim sungpan mahin tuabang in antang, thungen in aom te a suamlumnuam na omveve zel uhhi.

Adiakdiak in Afghnistan gamsung phadiak ah Muslim tepen amauleh amau aki thatthat uh himai hi. Zanni Suicide Bomb puakkham pen Kabul City sungah hi a, IS te’n amau gamtatna hi ci’n genkhia uhhi.

Asi mi 4 banah adangzong mi 8 bang liamgawp uhhi. Shiite Mosque sungah Muslim te adim phitphet in thungen in aom laitak Suicide Bomb asukkhap sawmpa pen lutsawm hi.

Tualaitak in Police te’n aomzia mansalo, ziatheihpian uh ahih manin alutding khamcip uh a, tuaciang in Al zahra Mosque ii anhuanbuk Kitchen sungah amahleh amah aki puakkhamsak cimawk hi.

Ministry spokesman Najib Danish in agenkhiatna ah asi mi 4 lakah 3 pen khuasung mite hi uh a, adang khatpen palik cihi.

Abeisa in hih Ramadan hunsung pen IS migilo te’n buaina piangsaknuam mahmah uh ahih manin, akoikoi ah Security aki hanciam mahmah kawmkal ah IS te’n Kabul City sungaom Mosque ah Bomb asukha veve uh ahihi.

More: Malaysia gamsung bitna aom nadingin Hari Raya pawisung palik 40,000 te’n nasemding

Malaysia gamsung ahzong hih Ramadan hunsung in migilo te ngongtatna “Terror Attack” khatpeuh aomloh nadingin palik tampi Duty kikoih kawikawi hi ci’n Malaysia Inspector General of Police Khalid Abu Bakar in genkhia hi. ZD Sawltak #zomidaily