Kum 35 val akikhensa ABBA Group lasiam te ki gawmkik

Kum 35 val akikhensa ABBA Group lasiam te ki gawmkik

Sweden gampanin leitungbup munkhempeuh ah akithei, lasiam minthang mahmah Disco Group khat ahi ABBA te ki gawmkik in Record bawlkhawmding uh cihi. Sweden’s Legendary Disco Group te’n Friday ni in kaki gawmkhawm kikding uhhi ci’n tangkokhia uhhi.

ABBA Group panin Statement akhahkhiatna uhah abeisa kum 35 sungbang akikhenkhin ABBA Group mi 4 tepen kigawmkik in, Studio Recording kabawl khawmding uhhi ci’n genkhia uhhi.

Tua ABBA Group te mi 4 ki pawlkhawmkik in lazong dawngnih Record bawlkhinta uhhi. Tua abawlsa lathak dawng 2 te lakah khatpen “I Still Have Faith In You” kici a, adawng khatzawpen amin kitheician nailo hi.

Video: Sweden’s legendary disco group Abba announced on Friday (April 27) that they have reunited to record two new songs, 35 years after their last single

ABBA Group pen 1972 kumin Sweden gamsung Stockholm City ah aki phuankhia Swedish Pop Group khat ahihi.

ABBA cih Group minpen tua Group sungah akihel lasa mi 4 te ii amin masa malkhatciat gawmkhawm in ABBA cih Group min aphuah uh ahihi. ABBA Group sungaha kihel lasiam mi 4 te: Agnetha Fältskog, Björn Ulvaeus, Benny Andersson, Anni-Frid Lyngstad

ABBA Group te ii lasak te lakah Waterloo, Dancing Queen, Mamma Mia, Super Trouper cih late pen atultheilo, tudongmah akisasa, aki honghonglai laminthang mahmahte ahihi.

More: Australia ah asidek numei khat alunggulh aombangin tuipinawl ah ki paipih

1972 kumin akipankhia ABBA Group pen kum 10 asawtzawh 1982 kum ciangin kikhen, ki tamkham uhhi. ABBA Group aki tapkhap hangin a lasaksa te uh kideih mahmahin, minthang suaksuak uhhi.

ABBA Group te lasak pen kideih mahmah in, lakhui abawl uh Album bekbekpen 400 Million Albums ki zuakkhia cileng hi. Sawltak #zomidaily