Gmail Password a muanhuai dingin 2-step Verification zatdanding

Gmail Password a muanhuai dingin 2-step Verification zatdanding

Dotna & Dawnna
Tuteng ka email zatnuam hetkei in, mikhat in ka email na lutthei ziauziau mawk hi. Email Password laih taleng minute tamno khatsungin naluttheikik ziauziau in, bangci bangin ki dal theiding cih na theileh honggen ve. Kei email ID tawh khuapihte lai nakhak manggawp dan hi veh aw. Sent Mail ka etleh na om takpi hi. A ki dalna ding bang aom thei tam.

Na Gmail sungah mikhatpeuh alutding in na upmawh, na muanmawhleh amasa penpen in na Password khelmasa in. Password khelciangbek tawh kilamdang tuanlo, ahih keileh nalung amuanzawh keileh Gmail sungah “2-step Verification” akici Gmail Feature khat om hi. Tua Feature zanglecin Gmail nalutciang na Password banah SMS Code zong gelhthuah kulding ahih manin muanhuai zawthamding hi. Tua 2-step Verification Code pen Mobile Phone tawh Signup bawlmasak kulding a, nabawlkhit ciangin Gmail na Login simin Register nabawlna Mobile Phone sungbek ah SMS Code onglutding hi. Tua hi-in na Gmail Account sungah na Password leh SMS Code aneilo peuhmah luttheiloding cihna hi a, na Password atheikhat inzong na Phone sungpan SMS Code a muhkhak keileh luttheih nading lampi omnawnlo cihna ahihi.

Gmail Account ah 2-step Verification nazatnop leh hih anuai abangin Setting kibawlthei hi.

• 1) Mail Settings – Accounts and Import ah nalut masa in.
• 2) “Other Google Account settings” cih nazong inla namek lecin Page thak khatah onglutpih dinghi.
• 3) Personal Settings nuai ah “Using 2-step verification” acihpen namek in.
• 4) Hih namekkhit phetin Page thakkhat ongkihong leuleu ding a, “Start setup” cih laimal pen namek in.
• 5) Hihmun ah SMS ahih keileh Voice Call tawh Verification Codes ngahtheih nading kitelthei hi. Smartphone te adinginzong atuamin Application om hi. (Mobile Phone naneih nakleh SMS Code lemzaw khading hi)
• 6) Anuai ah na phone number naguankhit ciangin “Send Code” namek in. Tua hileh na phone sungah SMS tawh na account lutnading Verification Code ongki khakding hi.

Hih atung Steps teng nazawhkhit ciangin na Gmail ah 2-step Verification Feature azangta nahihi. Tua hi-in hih nabawlkhit akipan Gmail sungah nalutsim in na Password banah SMS Code zong gelhthuah kuldending hi. Theihding khatah SMS Code ahunlap in na Mobile Phone sungah ongluttheih nadingin na Phone ah SMS Service a ngahthei ahiding akisap banah, na Phone Connection zong aomding kisam dinghi. ZD Sawltak #zomidaily