Pi Cing Za Vai (Taingen Ansai) hong nutsiat dahpihna
Pi Cing Za Vai @ Nuvai Kum (80) Taingen (ဇလပ်ဖြူ Ansai) in Khangham natna tawh tuni April 28, 2021 Zingsang 3:30am CT hun in, Aten na Tulsa khuapi pa’n in Sihna Natna a omnawn loh na Ih Pa Pasian Anglim ah ongzuat san ta hi. Pawlpi: FGAIM Sihvui Hungel na: Ani: April 30, 2021 Ahun : 11:00am Amun : Fitzgerald Southwood Colonial Chapel (calvary Hanmual) Address:3612 E 91st St S Tulsa, OK 74137
PI CING ZA VAI TANGTHU
Pianna – Pu Suantak suan, Pu Zealvum bawng, Limkhai, Tedim gam a teng Pu Suangh Lian le Pi Ngo Khaw Hung te sungpan October 10, 1941 kum in piang hi.
Pilna Sinna: Tanlang pan Tan 4 dong Limkhai (Zo), Tedim, Chin State Tan 5 pan tan 10 dong Thuklai, Tedim, Chin State Tan 10 Falam, Chin State
Nasepna leh Sum leh Paai Zonna – Social Welfare Department (လူမှုဝန်ထမ်း) ah kum tampi nasem ngei aa, Union Day (ပြည်ထောင်စုနေ့) ah zong Chin State taangmi ding in Yangon ah tam veipi kihel ngei hi. 1970 -1980 sung Tedim khuapi ah puankhui in om aa, Puankhui sinna (စက်ချုပ်သင်တန်း )zong hong in mi tampi puankhui zong hilh hi.
1980 pan in Taingen ah Zalatphyu Ansai hong kipan khia aa, anhuan siam khat zong hi in mitampi in zong a ansai hong theihpih uh hi. Zogam ah gamuk kumpi ulian te hong zin ciang in anhuan ding in ki cial zel hi.
Kha Lam Nuntakna
1970 khit Zogam ah Kha Khanlawhna hong tun cil pawl in Zeisu Khazih hong gupkhiatna thu um in sang thei pah aa alawp mahmah khat hi. Akhua atui amipih te zong veina lianpi nei ahi man in ama hanciamna tawh Rev.Dr Khai Khan Suan akhua uh Limkhai ah paipih in Lungdamna thu tangkona zong neihpih aa, Khangno tampi in piangthakna ngah uh hi.
Tua hunlai in a piangthak te sung pan Pastor a sem zong om uh hi. Sia Khai Suan in a genkikna ah tua hun lai in amah Pasian nasem zong hi nai lo in apiangthak tuung, alawp mahmah laitak hi in Nu Vai in akhua Limkhai hong paipihna tungtawn in Sia ci in hong kisap masakna hi ci in genkik hi. Kha mangthang avei mahmah khat ahih na tungtawn in ahi theih zah in Pasian nasepna sungah aki hel den khat hi.
Tu le Tate – Pasian in thupha tampi pia aa tanu 2, tuu 7 le tusawn 2 nei hi. Nu Mang Za Man + Major (Rtd) Cin Za Pau (Maryland) Nu Hung Chan Uap + Pa Sing Za Lian (Tulsa) Tu te 1. Dim Muan Cing + Pau Do Cin Kuntong 2. (Dr. Man Thian Cing ) 3. Thawng Khan Zo 4. Cing Tawi Lian 5. Vai Thian Huai 6. Khup Sian Kop 7. Cing Hoih Man
Tu Sawn 1. Kyle Paumuan Khai Kuntong 2. Mile Pauthianmung Kuntong
Lungdamkohna Pasian lamhonsakna tawh 2008 in Maryland, USA hong tung thei hi. 2010 kum in Pa Sing Lian le Nu Hung Thia Uap te nupa hong suah uh ciang in Tulsa ah hong kikhin aa, tua akipan leitung nuntakna abei dong hongkem, hongkhoi, hong gimpih leh aki sam om hetlo ding in atawntung aa hong panpih den FGA Pawlpi Pastors le pawlpimi khempeuh tungah ahi zong, hong damloh akipan hongveh, hong vaan in sum le paai, nek le dawn akipan na khempeuh hong pia khia te le tuni mahmah in itna lak aa hong pai khempeuh tung ahi zong, ZIUSA Genvai, Khuakipawlna, beh ki pawlna, leh American Sizang Innkuan te khempeuh tungah genzawhlo in Lungdamna thu kong pulaak uh hi. Lungdamna Lianpitak tawh, A nusiat innkuanpih te
Comment piaknop aomleh...