Dimtui Vangkhua Tualnuam

Dimtui Vangkhua Tualnuam

Tedim te nuntak khuasakzia pen (standard) sang mahmah hi. Nopna dahna ah hi leh i ki naihuai pihloh te 1000-2000Ks a tawmpen kipia aa meltheih kinaipih a hih leh 2000- 3000- 5000- 10000ks cih bang a tungsiah tawh ki uap liailiai hi.

Ansai (Restaurant) tawh kisai

Ansai thupi zawdeuh Shwe Narga,Power Win, Asian I, Asian II te leh a dang zong omlai hi. Ansai aa an leh meh neektheih dawn theih a tuamtuam te man pen Yangon manzah mah tawh kikim hi. Gtn ကုန္းေဘာင္၊ ခ်ိဳခ်ဥ္၊တံုယမ္း ဟင္းခ်ိဳ၊ ၾကက္ႀကြပ္၊ ထမင္းေၾကာ္၊ ေခါက္ခြဲေၾကာ္ Cih te zong Yangon aa saipi te mawh tawh kibang hi.

Tedim-ah Ansai nopci pian kihonbeh lai leh kikhawng mahmah ding hi. Khatveivei mun awng nawnlo pahpah mawk hi. Sai te’n lah hong welcome melo lai mundim hong cihsan ziau lel uh hi. Mihopih siausiau thei sainopci khat omlai leh kikhawng mahmah ding hi.

Inn kilam Ziahziah

Tedim ah in kilam ziahziah hi. A luite a hoih zaw in kilam aa innmunthak ah zong inn tampi kilam beh hi. Kawl te’n စား၊ ဝတ္၊ ေန၊ ေရး ci’n ei Zomi te a tawh ki leh bulh lian hi. Ei Zomite’n anlim nono ne in khampheng bukno sung ih om sang gilkial sa in innbit innhoih sungah om ding ih ut zaw hi.

Ngaihsun taktak leng Zomite a mah thuhoih sa zaw ingh.Tuuknuai guahbitlo innsung ah anlimnono i nek hang i tawldam tuan khollo ding hi. Tuaziak in leibapi mah tawh inn neih ding hanciam tantan hi hang. Tedim aa innkilam a tam zaw leibat vive tawh kilamhi cileng kikhial lo ding hi.

IT hun tawh kizui in Tedim ah pen thu ki thei baih mahmah hi. Tedim pen leitungah a minthang khua ahih loh hang khuaginalo khat na hi peuhmah lo hi. Tedim te gilo a kicih samhang dahna taktak tuak le uh ci’n na luang na ban uh hong pham ngamlo a hong taisan ding Tedim omlo hi.

More: Tedim khua khantohna ~ Khup Khan Thang

Tua hi aa Tedim te’n Kawlmi,Vaimi,Namdangmi te pi et veva khollo hi.Gamdang pan hong ciah hing ci aa a ki hisak te zong a nuihza lel uh hi. Stage Show lasakna khawng zong National Level in a mintang vangvang lo buang te et tak samel nawnlo uh hi.

Tedim nuntakzia khuahpai mahmah hi. Tedim Municipal