ZTK-2 Taangkona No. 3

ZTK-2 Taangkona No. 3

3. Kum 2013 a khat veina Zosuan Tuailai Khawmpi (ZTK-1) aa kigen omsa mahbang in Tedim Khuapi ah District zum a manlang in a kihon ding ka lunggulhna uh kong pulak kikkik uhhi.

Zomi ulehnau,
Akhatveina Zosuan Tuailai Khawmpi (ZTK-1) lai in zong Taangkona nam 7 kinei aa tuasung ah, einget, ei’ taangkona hang pipah cingam het khang, Pasian in i lunggulhnate naza ahihman in, Zogam khantoh nading, pilsinna sangte ong puah nading, Gullu mual vai, Zolai sin nading vai cihte, nam 4 aitaang bang a mong akipan khin pah ahihi. I kalsuan ngam zahzah ong pia khat om gige hi kacihi. Amen.

ZTK-1 hun laitak in i lunggulh mahmah, i deihmahmah hang, khangno makai sung thutuam latuam theihna tawh, official tak aa Zomi aa kiciapteh ding taangko nasung ah kihel lo ahihhang, i deihluat lam athei veve khat na om aa, 2014 ciang kumpi in 914:Zomi gelh theih ding lam ong honsakhi.

Hih Taangkona No. 3 pen i ngah nailoh khat a ngenbeh, a taangko beh ihihi.
Hitawh kisai theihhuai thu tampi omhi.
1. Piak huai dinmun tawh ki en hileh,Hakha gen loh Tedim sang Paletwa piak huai zaw salai ing. Kikawmna hamsa mahmah Ygn, Sittwe, Kyauhdaw tot loh in Paletwa kitunglohi. Zogam sung kikawm lelding Kawlgam vialkhat petmah vialh kul phot mun hi aa minam tuamtuam tendenna, gam golpi khat ahihi.
2. Mimal in ki enleh Tedim or Tonzang piakhuai hi.
3. Kiim leh paam, kikawmna tawh ki enleh Tedim piakhuaihi.
4. Minam pau kibang lomten ihihman in piakhuaihi.
5.. Apia khia thei ding en lehang USDPte thuneih laitak ahihman in Tedim simloh adang omlohi.

Tedim pen piak huai mahmah, kilawm mahmah, apia theiding Zomi vive ahihhang kingahlo hise hi. Thukhualna abat hang thukhualna hilo in, i vaihawm theihloh man hilel kaci nuamhi.

Hakha ah Zozumpi akituah laitak Hakha khua pen khuakhal hunbek aa mawtaw paithei ahihi. Tuama kum 20 laipek in Tedim ah mawtaw lian, mawtaw neu tuktawh khaltawh pai khin aa, Tedim ah kituah hileh mawhsak nading cinvomcia zong omlo hi.

I vaihawm theihlohman, i kinloh man, i veilohman, i thadah man, i angsung theihman, i mindai noplohman, tuahun lai Chin-U-Sii ah Zomi makai nih omsunte kilemloh man, deihsakna omloh man hilelhi.

Tukumsung bek in Hakha khuapi ah University lianpi 4 kilam hi. Tedimte, Falamte, Tonzangte… in khatbeek tangun ong kici hiam? Tedim aa Technical High School nangawn Diploma level piakding kisang zolohi.

Hih a vaihawm theilo, avai hawm zolo te, baangkuapi aa namat hang a sa tan nangawn atheilote, abaihsa neekding nangawn a netheilote banghiam i noptuampih, banghiam i metna. Kawlgam bup kumpi sem party USDP, Tedim, Tonzang pan a kahhang, mimal gina zolo ihihman in bangmah lemlawhlo hilel hihang. Kigensiatna hilohi. Teitang zolo, gualneklo hilel hihang. Amakaipipa in ong huu zolo, sabak ong tan ngamlo ahihleh hih party limlim khelhuai hilel loding hiam? Ami khel ding maw, a party khelding? Mipi in i ngaihsut kulhi.

Kitelma aa district i ngah tuan kei aa, hiteng mah ong kah veve leh Tedim Tonzang Zomite tenna teng adang kum 5 sung ong kinusia ding cihna ahihi. Tua nangawn USDP in kumpi ong sepleh hibek aa ong sem kei zenzen in adang opposition party khat ong kah laileh, them taktak ding hihang.

Zomite gampua ah tul 50 aa simbang om ihihman in i gamsung aa thupiangte kin hilehang kilok zo mahmahta hi. Kithuzakna baih mahmahta hi. Tu leh tu in thu kikum, thu kiza thei hihang. Innlam ah khua kiza mahmahlo, thu kithei mahmahlo ahihman in kihilh zel kulhi. Kiho zelzel ding kisamhi. Azuau ngam peuh thuman gen kisa dinmun in omlai hihang.

Ataktak ei lunggulh pen district ciang tawh akhawl hinailo hi.
Mipi, milip in i sep ding, i mawhpuak i kitheihsak kulhi. Tua pen gamdang tung Zomite nasep hisak ding hihang.
Kumpi in lam ong zik sak pen USDPte zik a sa, contractor bang omlai zen hihang. Adahhuai mahmah khat omlaihi. I mihau, anei sunsun, company phuan sunsun in contract ngahding lunggulhna tawh thuman thutak i gengen hang langpan ding kipan pah uhhi. Kipanta uhhi.ng nuihsan uhhi. Ongzahpih uhhi. Siat kipan, ong Piangsak, ong Siam Pa hamsiat akipan ding dinmun ihihi.

Mipi nasem ding, numei naupang vaanding huu dingte’n deihsakna, itna, khualna a neih kei leh hampha lua khollo hi. Enhuai khollohi. Golhguuk peuhtawh khantawn mi nuamsa ka mukha nai keihi.

(ZTK-2 ah tutak aa Kumpi semte akisap (invite) bang mah in, gending, kohding a omciang zong amau mah kumpi semlai ahih natawh genloh theihloh hipah aa, mimal kigenna hilohi. Kihawmthawhna kammalte zong deihluat man, ngaaklah luatman hi nacihsak un)

Hang Khan Lian
Block 646#13-115
Jalan Tenaga
Singapore 410646