A lamdang mahmah South Dagon (Yangon) Police Station
“Ka sanggamnu tuition kahna ding ci-in 30000 manh siiksakol neu khat ka lei sak. Laisin hun teh tuition inn mai ah a koih den hi-in, athak lai ahihna tawh kituak in, gutapa’ mit na la mahmah hi ding ven, na gu ziau mawk!!!”
“Tuition ah sangnaupang pawlcing bilbel in, a gutapa zaw man pah thei sam uh (palik, veng makai cihte huhna kihel kiuhkeuh lohi). Gutapa zaw a matkhit uh teh tuition syapa in veng-hausa pawl tawh palik zum ah va ap uh”. Palikpu te in, “Gutapa thu bawl nadingin siiksakol nusiat kul” hong cih teh, “Aw tuadan ding ahih leh kingah lua ei” ci-in ka siiksakol uh palik zum ah ka nusia uh hi.
“Ka siiksakol uh pen palik zum ah a om zawh a kha bangin a sawt diaiduai ta in, athu-ala lah kiza nawn lo ahih cianga palik zum phone tawh ka dot leh “Na siiksakol na deih uh leh 20000 tawh hong tanh thei ci zel, 30000 ci zelzel, 50000 ci kawikawi mawk hi. (Siiksakol Hong guksakpa zong suakta khin ta mai in teh). Ken zong palikpu kiangah “Bang hang in tuadan in sum tawh tat kul mawk ahihmanin?” ci-in ka dot leh “Bang hang hiam cih leh hih siiksakol pen zum ah teci dingin kikoih vanh ahih man hi” hong ci ziau hi.
Tuition syapa in hoihtak in hong gensak zelzel ta leh palik ten hong piaksawm ngiat lo ahih manin tuition syapa zong heh lua ta in, syapa in 50000 hong pia a, ahi zongin ka la kei uh hi. Ka siiksakol uh pen 30000 tawh ka lei hi a, Palikpu ten 50000 tawh tatkik dingin hong cih mawk pen Heh ding maw? Nui zaw ding maw? Cih zong tel zo nawn kei mai ing.
A tawptawp ah tuition syapa in hong pia tantan ahih manin siiksakol manh ahi 30000 ka sang uh hi.
More: Yangon & Mandalay lamzikpi tungah 2017 kumsung Accident 555 veipiang, mi 116 si
Theih huai thu ။ ။ Guta khat na mat uh leh na vanh uh lakik un la, palik zum khawngah paipih se dah uh. Na vanh uh sup lawh lailai lel nu teh.
PS။ ။ 30000 tawh buai lua hilo in, “May I help you ‘ ci-in a lai suan dengdang uh leh a gamtatzia uh pen kikeel-ki lua lawmlawm in, diksa lo lua ka hih manin a post khia ka hi hi. By Wut Yee/ Lai-let Phualva Lungtuak
Pau Za Mung says
Palikte in na siiksakol a hong laksakin, amau dan leh zia, a ngeina cih theih ding hi aa, a lamdang ahi kei hi. Al lamdang sak huia in, Tuition sapa in, K 50,000 ahong piak laizang ahi hi.