Malaysia pan UK gamsungah akipuak awle (Crocodile) 50 kiman

Malaysia pan UK gamsungah akipuak awle (Crocodile) 50 kiman

Malaysia gampanin UK gamsung akipuak awle (Crocodile) ahinglai 50 kimankhia cih AFP pan kiza hi. Tua Crocodile tepen phalna omlo, illegal in Malaysia gampan UK gamsung ah akipuak hi a, British Officials te’n amatkhiat uh ahihi.

UK Border Force te’n Friday ni in hihvaitawh kisai in genkhiatna nei uh a, London Heathrow Airport panin ahinglai in akipua awle bekbek 50 akimankhia cihi.

Tua Crocodile tepen kumkhat gualpawl hi a, Juvenile Saltwater Crocodile kici hi. Malaysia gampanin singkuang (Box) sungah ki hencip in aki simpuak ahihi.

Eastern England, Cambridgeshire khuasung aom Farm ah akipuakding in aki khakkhia hi a, tualai ah asa nekdingin aki khawiding in akipuaksawm ahihi.

Ahi zongin tuabangin akipuakna ah zuihtheih thukhun “international regulations” te zuilo in, Box sungah ki hencipgawp ahih manin, phalna omlo “illegal importation” tawh akiman ahihi.

Ageina hileh Box khatsungah Crocodile 4 tabek aki puathei bawmsung ah Crocodile 10 tak ki hencip in kiguanggawp hi.

Heathrow aom Border Force Convention on International Trade in Endangered Species (CITES) panin makaipi asem laitak ahi Grant Miller in agenna ah awle tepen hihbangin akipuak pen kiphal hetlo hi. Aki guanna Box tepen neulua, kigakcip ahih manin, akipuak laitak in Crocodile tezong hoihtak omtheilo in kipetpet uhhi.

More: Malaysia, Limbang aom mawtawpei bawlna ah Crocodile khat ki hingmat

CITES Regulations tawh akituaklo peuhmah kimanding a, tuapen hihbangin ganhingte mailam ah apuaksawm te adinginzong Warning piakna hipah hi ci’n thunei te’n genbeh hi.

Hih Crocodile tepen April khabeikuan in akiman hi a, aki matzawh khatin sihlawhkhin hi. Adangte pen amundang ah akituahtheih nadingin aki vaihawm laitak cih kiza hi. Sawltak #zomidaily