Zozum Khuado lawhcing 2017

Zozum Khuado Lawhcing 2017

A (1) veina Zangkong Zozum Khuado 2017 tu mahmah in nuamtak in ki zota hi.

Zangkong, lam 38 a om Garden Restaurant ah A (1) Veina Zozum Khuado 2017 pen nitak nai 6:00 pm – 10:00 pm kikal nai 4 sung vilvel kibawl hi.

Tua lai ah Zogam Zomi vai kikup nawina nasia tak in kinei a Zomite’ a ding in anuai a teng athupipen in ki ngaihsun hi.

• 1. Meitei vai
• 2. 914 Vai
• 3. Malaysia, India leh Thailand a om Zomite’ resettlement vai.

Atung a thu 3 teng Zomi ta ding in tulaitak athupi pen in Zozum in ngaih sun hi.

Thupiakna om bang in
Mung Laan Thang
Zangkong

x

Yangon Zozum Khuado 2017

A (1) veina Zozum Khuado pawi nasiatak in kibawl ding hi. 09 Oct 2017 ni in anuam theipen in kibawl ding hi. Hih Zozum Khuado Pawi ah a utpeuh kihel thei ding a lutman Ks. 5,000/ pan atungsiah hiding hi.

Zozum ih cihpen Zomite’ liangko kikimna mun ahih man in akihel khempeuh in atawmpen Ks. 5,000/ akhiat kul ahi hi.

Akihel ding khempeuh October ni 9 ni nitak nai 5:00 pm lap in Zozum, 38 Street leh Seikkanthar kikal Mahar Bandola lampi tung a Moon Bakery sai tung ah atun kul hi.

Nitak nai 5:00 pm in amun amual ding leh nek leh dawn ding atamzaw i thukimna tawh ki khentat ding hi.

Zozum pen akitaih cibang omselo in ei sum tek tawh ei’ duh bangbang aki vaikhakna mun ahi hi.

Tutung Khuado ah bel gawmkhawm in ki nekhawm ding hi.

Chief guest (Zinmang) a ut a om leh mikhat ciang gamsung pan ahih leh Ks. 100,000/ gamdang pan ahih leh $100/ ta mi 2 bek kisang ding hi.

Zomi sung a mi minthang MP, sumbawl leh mun tuamtuam pan a mi maidawkte kihel ding hi.

Zomi a utpeuh atawm pen Ks. 5,000/ tawh hih Zozum Khuado 2017 ah kihel theih hi.

Lungdam

Thupiakna Om Bang In
(Mung Laan Thang)
Zangkong